सनातन प्रभात > Post Type > बातम्या > राष्ट्रीय बातम्या > Congress MP Imran Masood : (म्हणे) ‘भगतसिंग आणि हमास एकसारखेच !’

Congress MP Imran Masood : (म्हणे) ‘भगतसिंग आणि हमास एकसारखेच !’

सहारनपूर (उत्तरप्रदेश) येथील काँग्रेसचे खासदार इम्रान मसूद यांचे विधान

काँग्रेसचे खासदार इम्रान मसूद

सहारनपूर (उत्तरप्रदेश) : काँग्रेसचे खासदार इम्रान मसूद यांनी हुतात्मा क्रांतीकारक भगतसिंह आणि पॅलेस्टिनी आतंकवादी संघटना हमास हे एकसारखेच असल्याचे विधान केले. ‘दोघेही आपल्या मायभूमीसाठी लढले’, असे सांगून त्यांनी स्वतःच्या विधानाचे समर्थनही केले.

भाजपने मसूद यांच्यासह काँग्रेसवर टीका केली आहे. पत्रकार सुशांत सिन्हा यांना दिलेल्या मुलाखतीमध्ये इम्रान मसूद यांनी भारताच्या परराष्ट्र धोरणावर बोलत असतांना हे विधान केले.

मुलाखतीत इम्रान मसूद यांनी दिलेली उत्तरे !

१. भारताला परराष्ट्र धोरणच नाही. पॅलेस्टाईनवर इस्रायलने आक्रमण केले, त्याचा आपण निषेध व्यक्त केला नाही. (इस्रायलने पॅलेस्टाईनवर का आक्रमण केले, हे मसूद का सांगत नाहीत ? ७ ऑक्टोबर २०२३ या दिवशी हमासच्या आतंकवाद्यांनी इस्रायली नागरिकांवर आक्रमण करून त्यांना ठार केले, तर २०० हून अधिक जणांचे अपहरण केले, त्यामुळे इस्रायलने आक्रमण केले, हे मसूद सांगत नाहीत, हे लक्षात घ्या ! – संपादक)

२. ‘हमास ही एक आतंकवादी संघटना आहे’, असे सिन्हा यांनी सांगताच इम्रान मसूद म्हणाले की, ‘भगतसिंह आतंकवादी होते का ?’ यानंतर मसूद यांना विचारले गेले, ‘तुम्ही हमास आणि भगतसिंह यांची तुलना करत आहात का ?’ या प्रश्नावरही त्यांनी ‘हो’ असे उत्तर दिले.

३. इम्रान मसूद म्हणाले की, भगतसिंह मायभूमीसाठी लढले होते, त्याचप्रमाणे हमासही त्यांच्या मायभूमीसाठी लढत आहे. हमासने त्यांच्या स्वातंत्र्याचा लढा उभारला आहे. त्यांनी जो मार्ग निवडला आहे, त्यावरून वाईट वाटते. (हमास नाही, तर इस्रायल गेली ८० वर्षे स्वतःच्या मायभूमीसाठी लढा देत आहे. हाच २ सहस्र वर्षांपूर्वीपासूनचा इतिहास आहे. मसूद तो सांगत नाहीत. – संपादक)

४. ‘हमासने इस्रायलवर आक्रमण केल्यानंतर अनेकांना मारले. शेकडोंना ओलीस ठेवले. पॅलेस्टिनी नागरिकांची ढाल बनवून ते लढत आहेत, ते आतंकवादी नाहीत का ?’, असाही प्रश्न इम्रान मसूद यांना विचारण्यात आला. त्यावर इम्रान मसूद म्हणाले, ‘‘हमासने काही शेकडो लोकांना मारले; पण त्याच्या प्रत्युत्तरात इस्रायलने लाखाच्या आसपास लोकांना मारले. हे का पाहिले जात नाही ?’’ (हमासने आधी आक्रमण केल्यानंतर इस्रायलने प्रत्युत्तरात आक्रमण केले. त्यानंतरही हमासने ओलिसांची सुटका केली नाही. यामुळेच इस्रायलला युद्ध चालूच ठेवावे लागले. युद्धात सहस्रावधी लोक ठार होत असतांनाही हमासने ओलिसांची सुटका का केली नाही ? याचे उत्तर मसूद देतील का ? या लोकांच्या मृत्यूला इस्रायल नाही, तर हमासच उत्तरदायी आहे ! – संपादक)

५. सिन्हा यांनी इम्रान मसूद यांना मोहनदास गांधी यांच्याविषयी प्रश्न विचारला असता इम्रान मसूद यांनी सावध भूमिका घेत आम्ही अहिंसावादी लोक असल्याचे सांगितले. (हमासचे समर्थन करणारे म्हणजे अहिंसावादी ! – संपादक)

साम्यवादी आणि काँग्रेसचे नेते आतंकवाद्यांचे समर्थन करतात! –  भाजप

शहजाद पूनावाला

भाजपचे प्रवक्ते शहजाद पूनावाला यांनी या मुलाखतीमधील इम्रान मसूद यांच्या विधानाचा एक व्हिडिओ ‘एक्स’वर प्रसारित केला आहे. काँग्रेसवर टीका करतांना त्यांनी लिहिले की, साम्यवादी आणि काँग्रेसचे नेते आतंकवाद्यांचे समर्थन करतात. यापूर्वी  कन्हैया कुमारने भगतसिंह यांची तुलना लालूप्रसाद यादव यांच्याशी केली होती. काँग्रेसने यापूर्वी अन्य महापुरूषांचाही असाच अवमान केला होता.

संपादकीय भूमिका

  • अशा प्रकारचे विधान केल्यावरून मसूद यांच्यावर गुन्हा नोंद करून त्यांना कारागृहातच टाकले पाहिजे !
  • भारताच्या स्वातंत्र्यासाठी हाताच्या बोटावर मोजण्याएवढीही मुसलमान क्रांतीकारक नाहीत, असेच इतिहास सांगतो. अशा वेळी भगतसिंहांच्या नावाचा वापर हमाससाठी करणारे मसूद देशद्रोहीच होत, यात शंका नाही !
  • मसूद यांच्यासारखे नेते खासदार बनून भारताच्या संसदेत जाणे, हे भारतियांसाठी लज्जास्पद !
  • काँग्रेसला  इम्रान  मसूद यांचे विधान मान्य आहे का ? हे तिने सांगितले पाहिजे !

नूतन लेख