US On Kashmir : काश्मीर सूत्रावर मध्यस्थीस अमेरिकेचा नकार !

वॉशिंग्टन (अमेरिका) – भारत आणि पाकिस्तान यांना एकत्र आणण्याचा आमचा कुठलाही उद्देश नाही, तसेच काश्मीरच्या सूत्रावर आम्ही मध्यस्थी करण्याच्या विचारातही नाही. हेच आमचे दीर्घकालीन धोरण आहे. काश्मीर हे भारत आणि पाकिस्तान यांचे आपापसांतील सूत्र आहे; परंतु कुणाला आमच्याकडून साहाय्याची अपेक्षा असल्यास आम्ही साहाय्य करण्यास सिद्ध आहोत. ट्रम्प यांच्यासमोर सध्या अन्य अनेक प्रश्न आहेत. त्यामुळे काश्मीर सूत्र भारत आणि पाकिस्तान मिळून सोडवतील, असे वक्तव्य अमेरिकेतील एका वरिष्ठ अधिकार्‍याने केले. भारत आणि अमेरिका यांच्यात रशियाकडून केल्या जाणार्‍या ऊर्जा खरेदीच्या संदर्भात सकारात्मक चर्चा चालू असल्याच्या वृत्ताला या अधिकार्‍याने दुजोरा दिला आहे.

🇺🇸 US refuses mediation on Kashmir
❌ “No plans to mediate. Kashmir is a bilateral issue between India and Pakistan,” said a top US official.
🤝 “We’ll assist only if asked.”

📉 Clear shift: US walking back on earlier Kashmir remarks.

💡 Why now? India-US talks on Russian oil… pic.twitter.com/SAKUJuUqur

— Sanatan Prabhat (@SanatanPrabhat) September 25, 2025

अमेरिकेने भारतावर लादलेले ५० टक्के आयात शुल्क आणि ‘एच्-१ बी’ व्हिसाचे वाढीव शुल्क, यांमुळे भारत आणि अमेरिका यांच्यात तणावाची परिस्थिती आहे. दोन्ही देशांतील संबंध पूर्ववत् होण्यासाठी प्रयत्न चालू असल्याचे सांगितले जात आहे. त्याविषयी अमेरिकेच्या एका अधिकार्‍याने म्हटले आहे की, ‘मोदी आणि ट्रम्प लवकरच भेटतील. दोघांमध्ये चांगले संबंध आहेत. आम्ही सध्या ‘क्वाड समिट’च्या आयोजनावर काम करत आहोत. या वर्षीच्या अखेरीस किंवा पुढच्या वर्षीच्या आरंभी नवी देहली येथे ही परिषद पार पडेल. भारत-अमेरिकेचे संबंध पूर्वपदावर येत आहेत. लवकरच आपल्याला सकारात्मक घडामोडी पहायला मिळतील.’