सनातन प्रभात > Post Type > बातम्या > राष्ट्रीय बातम्या > GST Savings Festival : उद्यापासून ‘जीएसटी बचत महोत्सवा’ला प्रारंभ !

GST Savings Festival : उद्यापासून ‘जीएसटी बचत महोत्सवा’ला प्रारंभ !

पंतप्रधान मोदी यांची राष्ट्राला उद्देशून संबोधन करतांना घोषणा

(‘जीएसटी’ म्हणजे गुड्स अँड सर्व्हिस टॅक्स – वस्तू आणि सेवा कर)

पंतप्रधान मोदी राष्ट्राला उद्देशून संबोधन करतांना

नवी देहली : उद्यापासून सुधारित ‘जीएसटी’ (वस्तू आणि सेवा कर) लागू होईल. नवरात्रीच्या पहिल्या दिवसापासून देश ‘आत्मनिर्भर भारत’ या मोहिमेच्या दिशेने एक मोठे पाऊल टाकत आहे. एक प्रकारे उद्या देशभरात ‘जीएसटी बचत महोत्सवा’ला प्रारंभ होईल. हा जीएसटी महोत्सव नागरिकांची बचत वाढवेल आणि त्यांना हव्या असलेल्या वस्तू खरेदी करता येईल, असे विधान पंतप्रधान मोदी यांनी २१ सप्टेंबरला राष्ट्राला उद्देशून केलेल्या मार्गदर्शनात केले. २२ सप्टेंबरपासून देशात जीएसटीच्या दरात कपात करण्यात येणार आहे. त्यामुळे अनेक वस्तूंचे मूल्य अल्प होणार आहे.

भारताच्या विकासाला गती मिळेल !

पंतप्रधान पुढे म्हणाले की,

देशातील गरीब, मध्यमवर्गीय, तरुण, शेतकरी, महिला आणि व्यवसाय मालक, यांना या बचत महोत्सवाचा लाभ होईल. या सणासुदीच्या काळात प्रत्येकाचे तोंड गोड होईल. या सुधारणांमुळे भारताच्या विकासाच्या गाथेला गती मिळेल. ते व्यवसाय सुलभ करतील आणि गुंतवणूक आकर्षित करतील. ते विकासाच्या शर्यतीत प्रत्येक राज्याला समान भागीदार बनवतील. आता केवळ ५ आणि १८ टक्केच जीएसटी लागू होईल. यामुळे दैनंदिन वापराच्या वस्तू आणि अन्नपदार्थ स्वस्त होतील. १२ टक्के दराने कर आकारल्या जाणार्‍या ९९ टक्के वस्तूंवर आता ५ टक्के कर आकारला जाईल. जीएसटी अल्प झाल्यामुळे त्यांना घर, टीव्ही, शीतकपाट, मोटारसायकल, दुचाकी आदी खरेदी करण्यासाठी अल्प खर्च करावा लागेल. प्रवासही स्वस्त होईल.

काय होईल स्वस्त ?

  • टूथपेस्ट, साबण आणि शॅम्पू
  • बिस्किट, स्नॅक्स आणि ज्यूससारखे पॅकबंद पदार्थ
  • तूप, लोणी, बटर आणि साखरविरहित दूधसारखी दुग्धजन्य उत्पादने
  • सायकल आणि स्टेशनरी सामान
  • परवडणारे कपडे आणि पादत्राणे

नूतन लेख