सनातन प्रभात > Post Type > बातम्या > आंतरराष्ट्रीय बातम्या > Bangladesh Jessore Attack on Hindus : बांगलादेशात मुसलमानांचे हिंदूंवर आक्रमण !

Bangladesh Jessore Attack on Hindus : बांगलादेशात मुसलमानांचे हिंदूंवर आक्रमण !

घरे, दुकाने आणि वाहने पेटवली : १० जण घायाळ

बांगलादेशातील जेसोर येथे मुसलमानांच्या जमावाने हिंदूंच्या घरांना आग लावली आणि हिंदूंवर आक्रमण केले !

ढाका (बांगलादेश) – बांगलादेशातील जेसोर जिल्ह्यातील माशिहाटी गावात, २२ मेच्या दिवशी मुसलमानांच्या जमावाने हिंदूंच्या घरांना आग लावली. मासेमारीच्या वादातून एका मुसलमानाच्या झालेल्या हत्येनंतर हिंदूंवर आक्रमण करण्यात आले.

१. किसान दलाचे नेते तारिकुल इस्लाम यांचा पिल्टू बिस्वास नावाच्या व्यक्तीशी मत्स्यपालनासाठी बनवलेल्या तलावावरून वाद चालू होता. या वादातून तारिकुल यांची हत्या करण्यात आली. हा तलाव आधी दुसर्‍याचा होता; पण आता तारिकुल यांना कोणत्याही किमतीत हा तलाव नियंत्रणात घ्यायचा होता. यावरील वादातून तारिकुल यांची गोळ्या झाडून हत्या करण्यात आली.

२. या हत्येचे निमित्त करून मुसलमानांनी माशिहाटी गावात हिंदूंच्या घरांवर आक्रमण केले. मुसलमान जमावाने गावातील हिंदूंच्या २० हून अधिक घरांना आग लावली, ४ दुकानांची तोडफोड केली आणि २ दुकाने पेटवून दिली. ६ वाहने (एक व्हॅन आणि ५ दुचाकी) पेटवून दिली. या आक्रमणात १० हून अधिक हिंदू घायाळ झाले. मुसलमानांनी सागर बिस्वास नावाच्या तरुणाचे अपहरणही केले. घटनेनंतर सुमारे २ घंट्यांनी पोलीस, सैन्याधिकारी आणि अग्नीशमन दल येथे पोचले.

३. मुसलमानांच्या आक्रमणानंतर गावातील बहुतेक हिंदु पुरुषांना त्यांची घरे सोडून पळून जावे लागले. अपहरण झालेल्या सागर बिस्वास याला सोडवण्यात आले आहे.

४. अभयनगर पोलीस ठाण्याचे अधिकारी अब्दुल अलीम यांनी सांगितले की, तारिकुल यांच्या हत्येच्या प्रकरणी अद्याप कोणताही गुन्हा नोंदवण्यात आलेला नाही. येथील परिस्थिती नियंत्रणात आहे आणि तेथे पोलीस तैनात करण्यात आले आहेत.

संपादकीय भूमिका

बांगलादेशात हिंदूंचा वंशसंहार होईपर्यंत हे चालूच रहाणार आहे आणि त्याच वेळी भारतासह जगभरातील हिंदूही त्याकडे निष्क्रीयतेने पहात रहाणार आहेत, हीच वस्तूस्थिती आहे !

नूतन लेख