UP Stray Dog Attack : सहारनपूर (उत्तरप्रदेश) : भटक्या कुत्र्यांचे मदरशातील ४ मुलींवर जीवघेणे आक्रमण !

सहारनपूर (उत्तरप्रदेश) – येथे मदरशातून परतत असलेल्या ४ मुलींवर भटक्या कुत्र्यांनी आक्रमण करून त्यांना गंभीर घायाळ केले. त्यांच्यावर रुग्णालयात उपचार चालू असून त्यांची प्रकृती गंभीर असल्याचे समजते. हे प्रकरण सहारनपूर जिल्ह्यातील गंगोह येथे असलेल्या सांगतेडा गावचे आहे. जैनब (६), सुमैया (४), सदना (५) आणि नबिया (६), अशी घायाळ झालेल्या मुलींची नावे आहेत.

कुत्र्यांनी दोन मुलींच्या चेहर्‍याचे मांस तोडून खाल्ले, तसेच त्यांची छाती, हात आणि पाय यांवर गंभीर जखमा केल्या. मुली किंचाळल्याने आजूबाजूचे लोक त्यांना वाचवण्यासाठी धावले. त्यांनी लाठ्या-काठ्यांनी कुत्र्यांच्या तावडीतून मुलींना सोडवले.