सनातन प्रभात > Post Type > बातम्या > राष्ट्रीय बातम्या > MP High Court : आरोपीने महिन्‍यातून २ वेळा पोलीस ठाण्‍यात जाऊन राष्‍ट्रध्‍वजाला ‘सॅल्‍युट’ करून २१ वेळा ‘भारतमाता की जय’ म्‍हणावे !

MP High Court : आरोपीने महिन्‍यातून २ वेळा पोलीस ठाण्‍यात जाऊन राष्‍ट्रध्‍वजाला ‘सॅल्‍युट’ करून २१ वेळा ‘भारतमाता की जय’ म्‍हणावे !

‘पाकिस्तान झिंदाबाद’ म्हणणार्‍या फैझान याला जामीन देतांना न्यायालयाची अट

भोपाळ (मध्यप्रदेश) – सार्वजनिक ठिकाणी ‘पाकिस्तान झिंदाबाद, हिंदुस्तान मुर्दाबाद’ अशी घोषणा देणार्‍या फैझान याला मध्यप्रदेश उच्च न्यायालयाने जामीन देतांना काही अटी घातल्या आहेत. त्यांनुसार त्याने महिन्यातून २ वेळा, अर्थात् प्रत्येक महिन्याच्या पहिल्या आणि चौथ्या मंगळवारी सकाळी १० ते दुपारी १२ या वेळेत स्थानिक पोलीस स्थानकात हजेरी लावायची. या वेळी त्याने पोलीस ठाण्यावर फडकत असलेल्या राष्ट्रध्वजाला ‘सॅल्युट’ करायचा. हे करतांना २१ वेळा ‘भारतमाता की जय’ अशी घोषणा द्यायची आणि हे सगळे खटल्याची सुनावणी पूर्ण होईपर्यंत करत रहायचे आहे.

याव्यतिरिक्त ५० सहस्र रुपयांच्या जातमुचलक्यावर आरोपीला न्यायालयाने जामीन संमत केला. फैझान याने मे मासामध्ये पाकिस्तानच्या समर्थनार्थ घोषणा दिल्या होत्या. तेव्हा त्याला अटक करण्यात आली होती. त्या वेळेपासून तो कारागृहातच होता.

नूतन लेख