सातारा निवासी उपजिल्हाधिकारी नागेश पाटील यांना काही युवकांकडून मारहाण

सातारा, २० जुलै (वार्ता.) – सातारा जिल्हाधिकारी कार्यालयातील निवासी उपजिल्हाधिकारी नागेश पाटील यांना काही युवकांनी मारहाण केल्याचा धक्कादायक प्रकार समोर आला आहे. ही घटना सातारा नगरपालिकेच्या परिसरात रात्री ९ वाजता घडली. काही युवकांनी अचानक निवासी उपजिल्हाधिकारी नागेश पाटील यांना मारहाण केली. पोलिसांनी मारहाण करणार्‍या संबंधित युवकांना कह्यात घेतले. मारहाणीचे कारण समजू शकले नाही. या घटनेचे गांभीर्य आणि अधिकार्‍यावरील आक्रमणाची बातमी पसरल्याने, सातारा शहर पोलीस ठाण्याच्या बाहेर नागरिकांची गर्दी केली. पोलिसांकडून सखोल चौकशी चालू असून कह्यात घेतलेल्यांवर रितसर गुन्हा नोंद केला आहे.