कु. रजनीगंधा कुर्‍हे यांना सुचलेल्या काव्यपंक्ती

           ‘२४.२.२०२४ या दिवशी सारणीलिखाण करत असतांना गुरुदेवांनी जो दृष्टीकोन सुचवला, त्या विचाराने माझा भाव पुष्कळ जागृत झाला आणि पुढील काव्यपंक्ती गुरुदेवांनी सुचविल्या.

गुरुदेव हात न सोडला कधी तुम्ही ।
मग वाट कशीही आली जीवनी ।
तुमचे आश्वासक शब्द अन् सुहास्य ।
नेहमी प्रेरणा देऊन लढण्यास पात्र केले प्रत्येक क्षणी ।। १ ।।

एकटेपणाच्या क्षणात धीर देऊनी मनास ।
हात घट्ट धरून सावरले प्रत्येक क्षणात ।
भावनेतून भावाकडे अन् ।
भावातून भक्तीकडे नेले टप्प्याटप्प्यांत ।। २ ।।

गुरुदेव काय वर्णू तुमची महती ।
प्रत्येक साधक ती अनुभवतो त्याच्या अंतरी ।
मायेपासून अलिप्त करूनी ।
मायेतील ब्रह्म अंतरी कसे वसे हे दाविले तुम्ही ।। ३ ।।

चुका अनेक झाल्या जरी त्या पदरी घेऊनी ।
पुन्हा लढ म्हणून कटीबद्ध केले तुम्ही ।
गुरुदेव हात न सोडला कधी तुम्ही ।
हात न सोडला कधी तुम्ही ।। ४ ।।’

– कु. रजनीगंधा कुर्‍हे, सनातन आश्रम, रामनाथी, गोवा. (२४.२.२०२४)