परात्पर गुरु डॉ. आठवले यांच्या सत्संगाच्या वेळी साधिकेला आलेल्या अनुभूती !

अ. ‘एकदा मला प.पू. गुरुदेवांचा (परात्पर गुरु डॉ. आठवले यांचा) सत्संग लाभला. तेथे जातांना ‘मी ब्रह्मांडाच्या पोकळीतून जात आहे’, असे मला जाणवले.

आ. त्या वेळी मला माझ्या अंतर्मनात पुष्कळ आनंद आणि चैतन्य यांच्या लहरी अनुभवता आल्या.

अ. ‘मी ब्रह्मांडातील विष्णुलोकात आले आहे’, असे मला वाटत होते.

आ. मला सूक्ष्म गंधाची अनुभूती येऊन माझ्या श्वासाची गती संथ झाली.

इ. माझा नामजप अंतर्मनातून चालू झाला.

ई. त्या वेळी माझे मन निर्विचार अवस्थेत होते.

‘गुरुकृपेने मला या अनुभूती आल्या आणि गुरूंची अपार कृपा अनुभवता आली’, याबद्दल गुरुचरणी कोटीशः कृतज्ञता !’

– श्रीमती भारती पद्मन, सनातन आश्रम, रामनाथी, गोवा.

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील
म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.