सनातन प्रभात > Post Type > बातम्या > राष्ट्रीय बातम्या > Indore Bank Robbery : इंदूर (मध्‍यप्रदेश )येथे एकट्या दरोडेखोराने बँकेत दिवसाढवळ्‍या घातला दरोडा !

Indore Bank Robbery : इंदूर (मध्‍यप्रदेश )येथे एकट्या दरोडेखोराने बँकेत दिवसाढवळ्‍या घातला दरोडा !

हवेत केला गोळीबार !

रेनकोट घालून आलेला दरोडेखोर

इंदूर (मध्‍यप्रदेश) – येथे पंजाब नॅशनल बँकेवर दिवसाढवळ्‍या दरोडा घालण्‍यात आला. चेहरा झाकून आणि रेनकोट घालून आलेल्‍या दरोडेखोराने बँकेत घुसून हवेत गोळीबार केला. यानंतर त्‍याने बँकेतील पैसे बॅगेत घालून तेथून पलायन केले. सुमारे ७ लाख रुपयांची लूट करण्‍यात आल्‍याचे सांगण्‍यात येत आहे.

अतिरिक्‍त पोलीस आयुक्‍त अमित सिंह यांनी सांगितले की, आरोपीकडे बंदूक होती. तो बँकेच्‍या आत आला. आधी गोळीबार करून दहशत पसरवली. त्‍यानंतर त्‍याने कॅश काऊंटरवर बसलेल्‍या महिला कर्मचार्‍याकडून बॅगेत पैसे भरून घेतले आणि नंतर पळ काढला. त्‍याच्‍यासोबत आणखी काही दरोडेखोर असण्‍याची शक्‍यता आहे. त्‍यांची माहिती काढली जात आहे.

संपादकीय भूमिका

एकटा दरोडेखोर बँकेत दरोडा घालून पसार होतो, हे पोलिसांना लज्‍जास्‍पद !

नूतन लेख