Heat Wave : देशात उष्णतेच्या लाटेचा धोका वाढला !

नवी देहली – देशातील अनेक भागांत तापमान ४० ते ४३ अंश सेल्सिअसपर्यंत पोचले आहे. अशा स्थितीत उष्णतेच्या लाटेचा धोका वाढला आहे. हवामान खात्याच्या म्हणण्यानुसार यावर्षी एप्रिल ते जून या काळात देशातील बहुतांश भागांत कमाल तापमान सामान्यपेक्षा अधिक रहाणार आहे. देशाच्या विविध भागांमध्ये नेहमीच्या ४ ते ८ दिवसांच्या तुलनेत उष्णतेची लाट १०-२० दिवस टिकू शकते.

हवामान खात्यानुसार जर कमाल तापमान ४५ अंश सेल्सिअस किंवा त्याहून अधिक पोचले, तर त्या वेळी वहाणार्‍या वार्‍यांना उष्णतेची लाट मानले जाते. सर्वसाधारण शब्दात उन्हाळ्यात उत्तर-पूर्व किंवा पश्‍चिमेकडून पूर्वेकडे वहाणारे तीव्र उष्णता आणि कोरडे वारे यांना ‘उष्णतेच्या लाटा’ म्हणतात.