कुख्यात गुंड मुख्तार अन्सारीच्या समर्थनार्थ व्हॉट्स अ‍ॅपवर स्टेटस ठेवणार्‍या मुसलमान पोलीस हवालादारावर कारवाई होणार !

(स्टेटस म्हणजे इतरांना पहाता येण्यासाठी सामाजिक माध्यमांवरील स्वतःच्या खात्यावर प्रसारित केलेले चित्र किंवा लिखाण)

लक्ष्मणपुरी (उत्तरप्रदेश) – उत्तरप्रदेश पोलिसांतील फयाज खान नावाच्या पोलीस हवालादाराने हृदयविकाराच्या झटक्याने मृत्यू पावलेला कुख्यात गुंड मुख्तार अन्सारी याचे कौतुक करतांना व्हॉट्स अ‍ॅपवर २ स्टेटस प्रसारित केले. यांत त्याने मुख्तार अन्सारीला ‘शेर-ए-पूर्वांचल’ (उत्तरप्रदेशातील पूर्व भागाला पूर्वांचल म्हणतात) असे संबोधले. या प्रकरणी पोलीस उपायुक्तांनी फयाज खान याच्या बडतर्फीचा अहवाला निवडणूक आयोगाकडे पाठवला आहे. निवडणूक आयोगाच्या अनुमतीनंतर खान याच्याविरुद्ध कारवाई करण्यात येणार आहे.