म्हापसा, २ नोव्हेंबर (वार्ता.) : कळंगुट पंचायतीने पंचायत क्षेत्रातील अनधिकृत ८ ‘डान्स बार’ पाडण्याचे आदेश दिले होते आणि आदेशाच्या कार्यवाहीसंबंधी बांधकाम पाडणारे पथक, वीज खाते, पोलीस आदींना कळवण्यात आले होते; मात्र संबंधित ‘डान्स बार’च्या मालकांनी पंचायत संचालनालयाकडून आदेशाला स्थगिती मिळवल्याने पंचायतीला आदेशावर कार्यवाही करता आली नाही, अशी माहिती कळंगुट पंचायतीचे सरपंच जोसेफ सिक्वेरा यांनी दिली आहे.
ते पुढे म्हणाले,
‘‘पर्यटनासमवेत चांगले आणि वाईट हे दोन्ही येत असते; मात्र यातून योग्य-अयोग्य याची आपण निवड केली पाहिजे. पंचायतीने पंचायत क्षेत्रात अनधिकृतपणे चालू असलेल्या ‘डान्स बार’चे सर्वेक्षण करून कायदेशीरदृष्ट्या सर्व कृती करून संबंधितांना अनधिकृत बांधकाम पाडण्यासंबंधी नोटिसा बजावल्या. नागरिक प्रत्येक वाईट कृतीला केवळ पंचायतीला दोष देत असतात; मात्र पंचायत कायद्याच्या दृष्टीने योग्य ते करतच असते. आम्ही ‘डान्स बार’, दलाल आदींच्या विरोधात आहोत. आम्ही सर्व कायदेशीर कृती करून अनधिकृत बांधकाम पाडण्यासाठी जातो, तेव्हा त्यावर स्थगिती आणली जाते. कायद्याचा आम्हाला पाठिंबा मिळत नाही. कायदा सुस्पस्ट असता, तर असे झाले नसते.’’
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !