‘जे.के.डी.एफ्.पी’ या राजकीय संघटनेवर लादण्यात आली ५ वर्षांची बंदी !

काश्मीरला ‘इस्लामी राज्य’ बनवण्याचा कट रचल्याचा ठपका !

श्रीनगर : काश्मीरला ‘स्वतंत्र इस्लामी राज्य’ बनवण्याचा कट रचल्याच्या प्रकरणी ‘जम्मू आणि काश्मीर डेमोक्रॅटिक फ्रीडम पार्टी’ या राजकीय संघटनेवर केंद्रीय गृहमंत्रालयाने ५ ऑक्टोबरपासून पाच वर्षांची बंदी लादली.

ही संघटना वर्ष १९९८ पासून देशविरोधी कारवायांमध्ये गुंतली होती. या संघटनेने भारतातील फुटीरतावाद आणि आतंकवाद यांना प्रोत्साहन दिले आहे, अशी माहिती केंद्रीय गृहमंत्रालयाच्या सूत्रांनी दिली.