थोडक्यात महत्त्वाचे

मुसलमानबहुल भागांत अधिक मतदान !

मुंबई – शहरातील काही भागांमध्ये मतदानासाठी निरुत्साह होता; पण आग्रीपाडा, नागपाडा, चांदिवली, जोगेश्वरी आदी मुसलमानबहुल विभागांमध्ये मतदान तुलनेत अधिक प्रमाणात झाले.

कारखान्याच्या गोदामाला भीषण आग !

बोईसर – तारापूर औद्योगिक क्षेत्राजवळील कारखान्याच्या गोदामाला सकाळी भीषण आग लागली. या आगीत गोदामातील तयार आणि कच्चा माल जळून खाक झाला. आगीमुळे बोईसर परिसरातील आकाशात मोठ्या प्रमाणात काळाकुट्ट धूर पसरला. नागरिकांना मोठ्या प्रमाणात प्रदूषणाचा त्रास सहन करावा लागला. शॉर्टसर्किटमुळे आग लागल्याचा प्राथमिक अंदाज अग्नीशमनदलाने व्यक्त केला.

नात्याला काळीमा फासणारी घटना !

टॉवेलने गळा आवळून पत्नीची हत्या !

मुंबई – दागिन्यांवरून झालेला वाद आणि चारित्र्यावरील संशय यांवरून २५ वर्षीय महिलेची टॉवेलने गळा आवळून हत्या करण्यात आली. ही घटना मलबार हिल येथे घडली. या प्रकरणी मृत महिलेच्या ३० वर्षीय पतीला मलबार हिल पोलिसांनी अटक केली आहे. मृत महिलेच्या आईच्या तक्रारीवरून पोलिसांनी आरोपीविरोधात हत्येचा गुन्हा नोंदवला. सुमित लक्ष्मण वेदवंशी असे आरोपीचे नाव आहे.

मतदानानंतर लावलेली शाई पुसट झाली !

ठाणे – येथे मतदानानंतर लावण्यात येणारी शाई पाण्याने धुतल्यावर पुसट होत असल्याच्या तक्रारी अनेक मतदारांनी केल्या आहेत. कोपरी पाचपाखाडी, ठाणे शहर, अंबरनाथ, नवी मुंबई आणि मुरबाड मतदारसंघातील अनेक मतदारांनी याविषयी सांगितले.

अपकीर्तीप्रकरणी धर्मांधांवर गुन्हा नोंद !

गुन्हेगारीमध्ये अव्वल असणारे धर्मांध !

पुणे – हडपसर विधानसभा मतदारसंघातील राष्ट्रवादी काँग्रेस शरदचंद्र पवार पक्षाचे उमेदवार प्रशांत जगताप यांच्याविषयी सामाजिक माध्यमामध्ये अपकीर्तीकारक लिखाण प्रसारित केले. या प्रकरणी अझहर तांबोळी आणि साथीदार यांविरोधात कोंढवा पोलीस ठाण्यात गुन्हा नोंद करण्यात आला आहे. या प्रकरणी प्रशांत जगताप यांनी तक्रार प्रविष्ट केली होती.