ओबीसीमधून मराठा समाजाला आरक्षण देण्‍यास विरोध !
छत्रपती संभाजीनगर – राज्‍यात एकीकडे मराठा आरक्षणाच्‍या सूत्रावरून जालना येथे आंदोलन चालू असतांना दुसरीकडे ओबीसी संघटनाही रस्‍त्‍यावर उतरणार आहेत. ओबीसीमधून मराठा समाजाला आरक्षण देण्‍यास विरोध होत असून ‘ओबीसी समन्‍वय समिती’ने यासाठी येथे अन्‍नत्‍याग आंदोलनाची चेतावणी दिली आहे. १३ सप्‍टेंबर या दिवशी सकाळी १० वाजता शहरातील क्रांती चौक येथे हे आंदोलन होणार आहे.
ओबीसी समन्‍वय समितीच्‍या वतीने माजी आमदार नारायणराव मुंडे यांच्‍या अध्‍यक्षतेखाली ओबीसी आणि भटक्‍या विमुक्‍त जाती-जमातीमधील समन्‍वय समितीच्‍या पदाधिकार्‍यांची बैठक ११ सप्‍टेंबर या दिवशी येथील संत सावता महाराज मंदिरात पार पडली. या वेळी अन्‍नत्‍याग आंदोलनाचा एकमुखी निर्णय घेण्‍यात आला. या बैठकीत ओबीसींच्‍या विविध मागण्‍या आणि ओबीसींवर होणारा अन्‍याय या संदर्भात चर्चा झाली. या वेळी जनआंदोलनाची रूपरेषा ठरवण्‍यात आली. १३ सप्‍टेंबर या दिवशीच्‍या अन्‍नत्‍याग आंदोलनात ओबीसींना सहभागी होण्‍याचे आवाहन करण्‍यात आले आहे.
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !
निवडणूक विशेष
श्री भवानीमातेच्या दर्शनाने ‘हिंदू जोडो’ यात्रेच्या जनजागृतीला तुळजापूर येथून प्रारंभ
हद्दपारीचे साधारणत : ५० हून अधिक प्रस्तावही मान्य !