पुणे येथे महिला पोलिसावर पोलीस कर्मचार्‍याचा बलात्कार !

पुणे – कोरोना महामारीच्या काळात ओळख वाढवून महिला पोलीस कर्मचार्‍याला गुंगीचे औषध देऊन पोलीस कर्मचारी दीपक मोघे याने बलात्कार केला. त्याचे चलचित्रीकरण करून ते सामाजिक माध्यमांवर प्रसारित करण्याची धमकी देत पुन्हा पुन्हा बळजोरी केली, तसेच जिवे मारण्याची धमकीही दिली. या प्रकरणी खडक पोलीस ठाण्यात पीडितेने तक्रार प्रविष्ट केली आहे. घरातील ६ तोळे सोने, भ्रमणसंगणक, भ्रमणभाष अशा वस्तूही आरोपीने बळजोरीने घेऊन गेल्याची माहिती तक्रारीमध्ये नमूद करण्यात आली आहे. सध्या मार्केटयार्ड पोेलीस ठाण्यात कार्यरत असणार्‍या दीपक मोघे या पोलीस कर्मचार्‍यांवर गुन्हा नोंद केला आहे. हा प्रकार वर्ष २०२० ते १ ऑगस्ट २०२३ या कालावधीत घडला आहे. तक्रारदार आणि आरोपी हे दोघेही पुणे शहर पोलीस दलामध्ये कार्यरत आहेत.