कल्‍याण येथे तलावात शेकडो मासे मृत !

कल्‍याण – येथील गौरीपाडा भागातील तलावात गेल्‍या दोन दिवसांपासून शेकडो मासे मृत पावले आहेत. मुसळधार पावसामुळे आजूबाजूच्‍या भागातील प्रदूषित पाणी तलावात शिरल्‍याने ही घटना घडल्‍याचा प्राथमिक अंदाज नागरिकांनी व्‍यक्‍त केला आहे. मागील वर्षीही या तलावात ८० हून अधिक मृत कासवे तलावाच्‍या काठावर तरंगत होती. काही पर्यावरणप्रेमी यामागील कारणांचा शोध घेत आहेत. प्रदूषण नियंत्रण मंडळाने या घटनेची नोंद घेण्‍याची मागणी नागरिक करत आहेत.