मुंबई – ठाकरे गटाचे खासदार संजय राऊत यांनी विधीमंडळाला ‘विधीमंडळ नाही, तर चोर मंडळ’ म्‍हटल्‍याचे पडसाद विधानसभा आणि विधान परिषदेत उमटले होते. त्‍यानंतर विधीमंडळात प्रचंड वेगाने त्‍याविषयीच्‍या घडामोडी घडत आहेत. राऊत यांच्‍या वक्‍तव्‍यावरून त्‍यांच्‍या विरोधात हक्‍कभंगाची कारवाई केली जाणार आहे. सूत्रांकडून मिळालेल्‍या माहितीनुसार, विधानसभा अध्‍यक्षांकडून हक्‍कभंग समिती नियुक्‍ती केली जाणार आहे. अध्‍यक्षांकडून १५ सदस्‍यीय समितीची निवड होणार आहे. या समितीत सत्ताधारी पक्षाचे १०, तर विरोधी पक्षाचे ५ सदस्‍य असणार आहेत. हक्‍कभंग समितीचे अध्‍यक्षपद भाजपकडे जाणार आहे. यासाठी भाजपचे आमदार राहुल कुल यांच्‍या निवडीची शक्‍यता आहे. समितीकडून संजय राऊत यांना
‘कारणे दाखवा नोटीस’ बजावण्‍याची शक्‍यता आहे. त्‍यानंतर संजय राऊत यांना पुढील ४८ घंट्यांत उत्तर द्यावे लागेल. ‘संजय राऊत राज्‍यसभेचे खासदार असल्‍यामुळे एवढ्या मोठ्या पदावर असणार्‍या व्‍यक्‍तीने विधीमंडळाविषयी असे वक्‍तव्‍य करणे चुकीचे आहे. त्‍यांच्‍याकडून पुन्‍हा असे वक्‍तव्‍य होऊ नये यासाठी त्‍यांच्‍या विरोधात हक्‍कभंगाची कठोर कारवाई करण्‍यात यावी’, अशी मागणी सत्ताधारी पक्षाच्‍या आमदारांनी केली आहे.
मुंबई येथील स्वयं पुनर्विकास गृहनिर्माण प्रकल्पांना राज्यशासनाने ताकद द्यावी !
राज्य आर्थिक दिवाळखोरीच्या उंबरठ्यावर ! – अंबादास दानवे, विरोधी पक्षनेते
संतोष देशमुख हत्येची एस्.आय.टी. आणि न्यायालयीन चौकशी करण्याची घोषणा !
राज्यातील इंग्रजकालीन कारागृह कायद्यात सुधारणा, बहुमजली कारागृहांना मान्यता !
थोडक्यात महत्त्वाचे : कर थकवणार्या मालमत्ता ‘सील’ करण्यास प्रारंभ !….
पदे येतात आणि जातात, मंत्रीपद न मिळालेल्‍या आमदारांना पुढच्या टप्प्यात संधी देणार ! – एकनाथ शिंदे, उपमुख्यमंत्री