कॅनडामध्ये हिंदुद्वेषातून हिंदूंना लक्ष्य केले जात आहे !

भारतीय वंशाच्या खासदाराने कॅनडातील संसदेत हिंदूंच्या मंदिरांवरील आक्रमणांचे सूत्र केले उपस्थित !

ओटावा (कॅनडा) – कॅनडाच्या मिसिसोगा येथील श्रीराममंदिराची तोडफोड करून तेथे भारतविरोधी घोषणा लिहिल्याचे प्रकरण कॅनडाच्या संसदेत उपस्थित करण्यात आले. भारतीय वंशाचे खासदार चंद्रा आर्य यांनी संसदेत या घटनेचा निषेध करत ‘हिंदुद्वेषातून हिंदूंना लक्ष्य केले जात आहे’, असे सांगत हिंदूविरोधी घटनेविषयी चिंता व्यक्त केली. तसेच या प्रकरणी कठोर कारवाई करण्याची मागणी केली.

It is with pain and anguish I note that the Ram Mandir, a Hindu temple in Mississauga has become the latest target of hate crime
Authorities in Canada need to seriously look into the activities of anti-Hindu & anti-India groups and take action now
My statement in parliament today pic.twitter.com/5U4t0HoQRt

— Chandra Arya (@AryaCanada) February 16, 2023

चंद्रा आर्य यांनी म्हटले की, भारत आणि हिंदूविरोधी संघटनांकडून कॅनडामध्ये हिंदूंची मंदिरे लक्ष्य केली जात आहेत. या संघटनांकडून सामाजिक माध्यमांतून कॅनडातील हिंदू नागरिकांना यापूर्वीच लक्ष्य करण्यात आलेले आहे. हिंदुद्वेष पसरवण्यात येत आहे. याच द्वेषापोटी हिंदूंची मंदिरे लक्ष्य केली जात आहेत. मिसिसोगा येथील श्रीराममंदिराची घटना दुःखदायक आहे. याकडे गांभीर्याने पहाण्याची आवश्यकता आहे. कॅनडाचे नागरिक एक असल्याने आपण सर्व धार्मिक मान्यता आणि श्रद्धा यांच्या समवेत रहातो. पुढेही ही गोष्ट कायम ठेवण्याचा प्रयत्न करण्याची आवश्यकता आहे.