‘१७.११.२०२१ या दिवशी रात्री ८.३० ते ९.३० या वेळेत मी रामनाथी (गोवा) येथील सनातनच्‍या आश्रमातील ध्‍यानमंदिरात बसून नामजप करत होतो. नामजपाच्‍या आरंभी माझ्‍या मनात असंख्‍य विचार येत होते. त्‍यामुळे मी ध्‍यानमंदिरातील सनातनच्‍या गुरुपरंपरेतील (सनातनची गुरुपरंपरा – श्रीमत्‍परमहंस चंद्रशेखरानंद, श्री अनंतानंद साईश, प.पू. भक्‍तराज महाराज, प.पू. रामानंद महाराज (प.पू. भक्‍तराज महाराज यांचे उत्तराधिकारी), शिष्‍य डॉ. जयंत आठवले) संतांच्‍या छायाचित्रांंकडे पाहून नामजप करण्‍याचा प्रयत्न केला. त्या वेळी मला आलेल्या अनुभूती पुढे दिल्‍या आहेत.
१. श्रीमत्‍परमहंस चंद्रशेखरानंद यांच्या छायाचित्राकडे पाहून नामजप करतांना मन निर्विचार स्‍थितीत जाणे आणि ध्‍यान लागणे
श्रीमत्‍परमहंस चंद्रशेखरानंद यांच्या छायाचित्राकडे पाहून नामजप करतांना त्‍यांची दिव्‍य ध्‍यानस्‍थ मुद्रा पाहिल्‍यानंतर माझे मन हळूहळू निर्विचार स्‍थितीत जाऊ लागले. त्‍यानंतर काही क्षण माझे ध्‍यान लागले.
२. श्री अनंतानंद साईश यांच्या छायाचित्राकडे पाहून नामजप करतांना आलेल्या अनुभूती
अ. श्री अनंतानंद साईश यांच्या छायाचित्राकडे पाहून नामजप करतांना ‘माझ्‍या मनातील विचार पूर्णपणे नष्‍ट होऊन मी श्री अनंतानंद साईश यांच्‍याशी एकरूप होत आहे’, असे मला जाणवले.
आ. त्‍यानंतर ‘माझ्‍या सभोवतालचा संपूर्ण परिसर प्रकाशमान झाला आहे’, असे मला जाणवले.
इ. श्री अनंतानंद साईश यांच्या मुखकमलाच्‍या ठिकाणी मला हनुमंताचे दर्शन झाले. हनुमंताचे रूप पुष्‍कळ तेजस्‍वी असल्‍याने मला ते रूप पहाता येत नव्‍हते. त्‍यामुळे थोड्या थोड्या वेळाने काही क्षणांपुरतेच मला हनुमंताचे दर्शन होत होते. मी १० ते १५ मिनिटे ही स्‍थिती अनुभवत होतो. त्या वेळी ‘माझ्‍या सहस्रारातून दिव्‍य शक्‍ती प्रवाहित होत आहे आणि ती संपूर्ण शरिरात पसरत आहे’, असे मला जाणवले.
ई. त्‍यानंतर मला सहस्रार आणि अनाहतचक्र या स्‍थानी विशिष्‍ट स्‍पंदने जाणवली. त्या वेळी माझे मन शांत, स्‍थिर आणि एकाग्र झाले होते. ‘ध्‍यानावस्‍था म्हणजे काय असते !’, हे मी प्रथमच अनुभवत होतो. ही अनुभूती पुष्‍कळ विलक्षण आणि अद़्‍भुत होती.
उ. त्‍यानंतर काही वेळ माझा ‘श्रीराम जय राम जय जय राम ।’ हा नामजप आपोआप होत होता.
ऊ. मला पुष्‍कळ उत्‍साही वाटत होते.
या अनुभूती दिल्‍याबद्दल मी परात्‍पर गुरु डॉ. आठवले यांच्या कोमल चरणी कोटीशः कृतज्ञ आहे.’
– श्री. अमित हावळ, सनातन आश्रम, रामनाथी, गोवा. (१७.११.२०२१)
|
‘साधकांनी आध्यात्मिक प्रगती करण्यासाठी नेहमी सत्याचा बोध घ्यावा !’ – योगतज्ञ प.पू. दादाजी वैशंपायन
सद्गुरु डॉ. मुकुल गाडगीळ यांनी सांगितलेले नामजपादी उपाय करून तीव्र आध्यात्मिक त्रासावर मात करणार्या कु. मधुरा चतुर्भुज !
रामनाथी (गोवा) येथील सनातनच्‍या आश्रमात आल्यावर सेवेच्या माध्यमातून स्वतःत पालट करणारा चेन्नई येथील श्री. हिमनीश बालाजी कोल्ला !
पू. भगवंत मेनरायकाका (वय ८५ वर्षे) यांच्या सेवेसाठी गेल्यावर लक्षात आलेली सूत्रे आणि आलेली अनुभूती
रामनाथी, गोवा येथील सनातनच्‍या आश्रमात ‘साधकत्व वृद्धी’ शिबिरात सहभागी झालेल्या धर्मप्रेमींना आलेल्या अनुभूती
‘सच्चिदानंद परब्रह्म डॉ. आठवले यांचे ‘वयाच्या ८० व्या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती