‘महर्षि अध्‍यात्‍म विश्‍वविद्यालया’च्‍या वतीने बेंगळुरू येथील राष्‍ट्रीय परिषदेत १०० वा शोधनिबंध ‘ऑनलाईन’ सादर !
‘महर्षि अध्‍यात्‍म विश्‍वविद्यालया’चे संस्‍थापक सच्चिदानंद परब्रह्म डॉ. जयंत आठवले हे शोधनिबंधाचे लेखक, तर श्री. शॉन क्लार्क आहेत सहलेखक !
महर्षि अध्‍यात्‍म विश्‍वविद्यालयाची घोडदौड !महर्षि अध्‍यात्‍म विश्‍वविद्यालयाच्‍या वतीने आतापर्यंत १८ राष्‍ट्रीय आणि ८२ आंतरराष्‍ट्रीय वैज्ञानिक परिषदांमध्‍ये शोधनिबंध सादर करण्‍यात आले आहेत. यांपैकी ११ आंतरराष्‍ट्रीय परिषदांमध्‍ये ‘सर्वोत्‍कृष्‍ट शोधनिबंध पुरस्‍कार’ मिळाले आहेत. |
फोंडा (गोवा) – कला, संगीत, अन्‍न, पेय, धार्मिक चिन्‍हे आणि स्‍मारके आदींतून प्रक्षेपित होणार्‍या सकारात्‍मक किंवा नकारात्‍मक स्‍पंदनांचा परिणाम प्रत्‍येकावर होत असतो. यानुसार आपली कृती आणि विचार सत्त्वप्रधान असतील, तेव्‍हाच त्‍यातून सकारात्‍मक स्‍पंदने प्रक्षेपित होतात, असा निष्‍कर्ष ‘महर्षि अध्‍यात्‍म विश्‍वविद्यालया’च्‍या संशोधन गटाचे सदस्‍य आणि ६५ टक्‍के आध्‍यात्मिक पातळी असलेले श्री. शॉन क्लार्क यांनी शोधनिबंध सादर करतांना मांडला. ते बेंगळुरू येथील ‘नाद वेद अध्‍यात्‍म केंद्र अँड व्‍हेव्‍ह्‌स’ यांनी आयोजित ‘कम्‍पिटिंग प्रॅक्‍टिसिस ऑफ धर्म अँड अधर्म : सक्‍सेस अँड कॉन्‍सिक्‍युएंसेस ऑफ देअर व्‍होटरीज इन वेदा अँड लेटर’ या परिषदेत बोलत होते. श्री. शॉन क्लार्क यांनी ‘दैनंदिन जीवनात धर्म किंवा अधर्म यांची निवड कशी करावी ?’ या विषयावर शोधनिबंध सादर केला. महर्षि अध्‍यात्‍म विश्‍वविद्यालयाचे संस्‍थापक सच्चिदानंद परब्रह्म डॉ. जयंत आठवले हे या शोधनिबंधाचे लेखक, तर श्री. शॉन क्लार्क हे सहलेखक आहेत.
१. श्री. शॉन क्लार्क यांनी या वेळी महर्षि अध्‍यात्‍म विश्‍वविद्यालयाने ‘युनिव्‍हर्सल ऑरा स्‍कॅनर’ (यू.ए.एस्.) आणि ‘पॉलिकॉन्‍ट्रास्‍ट इंटरफिअरन्‍स फोटोग्राफी (पीआयपी)’ या उपकरणांचा वापर अन् आध्‍यात्मिक स्‍तरावर केलेले सूक्ष्म परीक्षण यांद्वारे केलेल्या अभ्‍यासाच्‍या आधारावर हे संशोधन सादर केले.
२. या वेळी संशोधनासाठी एका प्रसिद्ध चित्रकाराने श्री लक्ष्मीदेवीचे काढलेले विडंबनात्‍मक चित्र, बाजारात उपलब्‍ध असलेले एक चित्र आणि एका संतांच्‍या मार्गदर्शनानुसार काढलेले चित्र, अशी ३ चित्रे निवडण्‍यात आली. वरील उपकरणांद्वारे संशोधन केल्‍यावर प्रसिद्ध चित्रकाराने काढलेल्‍या देवीच्‍या विडंबनात्‍मक चित्रातून नकारात्‍मक स्‍पंदने प्रक्षेपित झाल्‍याचे, तर बाजारात उपलब्‍ध असलेल्‍या चित्रात सकारात्‍मक अथवा नकारात्‍मक यांपैकी कोणतीच स्‍पंदने आढळली नाहीत.
३. याउलट श्री लक्ष्मीतत्त्व सर्वाधिक प्रमाणात आकर्षित करण्‍याची क्षमता असलेले संतांच्‍या मार्गदर्शनाखाली रेखाटलेल्‍या चित्रातून अधिकाधिक सकारात्‍मक स्‍पंदने प्रक्षेपित होत होती.
४. याच प्रकारे कपड्यांच्‍या रंगांविषयीही संशोधन करण्‍यात आले. यामध्‍ये काळ्‍या आणि पांढर्‍या रंगाच्‍या कापडांची वरील उपकरणांच्‍या साहाय्‍याने चाचणी घेण्‍यात आली.
५. यामध्‍ये पांढर्‍या रंगाच्‍या कापडाची सकारात्‍मक ऊर्जेची प्रभावळ १८.७५ मीटर आढळली आणि काळ्‍या रंगाच्‍या कापडामध्‍ये सकारात्‍मक ऊर्जेची प्रभावळ आढळली नाही.
६. यांसह श्री. क्लार्क यांनी अन्‍न, पेय आणि मनोरंजन या संदर्भात केलेल्या प्रयोगांचेही निष्‍कर्ष मांडले. या सर्व घटकांचा आपल्‍या दैनंदिन जीवनात होणारा परिणाम आणि मिळणारी सकारात्‍मक ऊर्जा यांविषयीही विस्‍ताराने माहिती सांगितली.
| सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे सूक्ष्म. साधनेत प्रगती केलेल्या काही व्यक्तींना या सूक्ष्म संवेदना जाणवतात. या सूक्ष्माच्या ज्ञानाविषयी विविध धर्मग्रंथांत उल्लेख आहेत.
सूक्ष्म-परीक्षण : एखाद्या घटनेविषयी किंवा प्रक्रियेविषयी चित्ताला (अंतर्मनाला) जे जाणवते, त्याला सूक्ष्म-परीक्षण म्हणतात. |
‘सेरेंडिपिटी कला महोत्सवा’त हिंदूंच्या मंदिरांची छायाचित्रे आणि माहिती प्रदर्शित
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी
किटल-फातर्पा (गोवा) येथील श्री आळारे आजोबा देवस्थानात चोरीचा प्रयत्न
पर्ये, सत्तरी येथील श्री साखळेश्वर देवस्थानच्या वादावर अखेर पडदा
केंद्रीय अर्थसंकल्पासाठी मुख्यमंत्री डॉ. सावंत यांच्याकडून गोव्यातील मागण्या सुपुर्द
कर्नाटक येथून अनधिकृतपणे गोमांस आणल्याच्या संशयावरून गोरक्षक गाडीची पहाणी आणि चौकशी यांसाठी गेले असतांना झाले आक्रमण !