विद्यार्थ्यांनी स्वागतपर गीताच्या नावाखाली दिली अजान : हिंदुत्वनिष्ठांची निदर्शने

(अजान म्हणजे नमाजासाठी देण्यात येणारे आमंत्रण)

उडुपी (कर्नाटक) – येथील ‘मदर टेरेसा मेमोरीयल’ शाळेच्या क्रीडा स्पर्धांच्या वेळी काही विद्यार्थ्यांनी स्वागत गीत म्हणण्याच्या नावाखाली ध्वनीक्षेपकावरून अजान दिल्याने येथे तणाव निर्माण झाला. ही माहिती मिळताच हिंदुत्वनिष्ठ संघटनांनी शाळेसमोर निदर्शने करत घोषणाबाजी केली. ‘अजान देण्याची अनुमती देणारे शाळेचे व्यवस्थान आणि अन्य पदाधिकारी यांच्यावर कारवाई करावी’, अशी मागणी हिंदुत्वनिष्ठ संघटनांनी केली. यावर शाळेच्या व्यवस्थापनाने क्षमायाचना करून वादावर पडदा टाकण्याचा प्रयत्न केला.

वरील कार्यक्रमाच्या वेळी विद्यार्थ्यांनी स्वागतपर गीत म्हणून हिंदु, मुसलमान आणि ख्रिस्ती या तिन्ही धर्मांचे गीत म्हणण्यास सांगण्यात आले होते. या वेळी वरील प्रकार घडला.