हिंदूंनी त्रिपुरारी पौर्णिमेच्या निमित्ताने घरोघरी दीप लावण्याचे आवाहन !

हिंदु जनजागृती समितीचे ‘एक दीप हिंदु राष्ट्रासाठी’ अभियान !

मुंबई – ८ नोव्हेंबर या दिवशी असणार्‍या त्रिपुरारी पौर्णिमेच्या निमित्ताने देवालय, घरोघरी, नदीघाटावर दीपोत्सव साजरा करण्याची हिंदूंची परंपरा आहे. याच परंपरेतील एक भाग म्हणून भारत हिंदु राष्ट्र व्हावे, छत्रपती शिवाजी महाराज-रामराज्य यांप्रमाणे प्रत्येक हिंदूचे जीवन आदर्श असावे, यासाठी त्रिपुरारी पौर्णिमेच्या निमित्ताने हिंदूंनी घरोघरी दीप लावण्याचे आवाहन हिंदु जनजागृती समितीच्या वतीने करण्यात आले आहे. या अंतर्गत हिंदूंनी स्वतःच्या घराबाहेर दीप प्रज्वलित करावा आणि ते छायाचित्र सामाजिक माध्यमांवर प्रसारित करावे, असे आवाहन करण्यात आले आहे.