‘पुणे हँडमेड पेपर्स’ आणि पुणे महानगरपालिका यांच्याकडून अशास्त्रीय कागदी गणेशमूर्तींचा प्रचार !

कागदी मूर्ती ही पर्यावरणास घातक आहेत, हे संशोधनातून सिद्ध !

पुरो(अधो)गाम्यांकडून ‘कागदाची मूर्ती म्हणजे ‘इको-फ्रेंडली’ मूर्ती’, असा दुष्प्रचार केला जातो. प्रत्यक्षात मात्र कागदी लगद्यापासून बनवलेली मूर्ती ही पर्यावरणाच्या प्रदूषणास साहाय्यकारी ठरते, हे संशोधन अंती सिद्ध झाले आहे.

१. सांगली येथील पर्यावरण तज्ञ सुब्बाराव म्हणतात, ‘‘कागदी लगद्याच्या मूर्तीमुळे माशांच्या कल्ल्यात कागद अडकून ते मरतात. पाण्यातील प्राणवायू (ऑक्सिजन) अल्प होऊन पाण्यातील जलचर प्राणी आणि वनस्पती मरतात. तसेच पाणी मोठ्या प्रमाणावर प्रदूषित होते. त्यातून ‘मिथेन’ नावाचे घातक रसायन सिद्ध होते.

२. रसायन तंत्रज्ञान संस्थेने (‘आयसीटी’ने) कागदी लगद्याच्या मूर्तींचे संशोधन केले आहे. त्यानुसार १० किलोची कागदी लगद्याची मूर्ती १ सहस्र लिटर पाणी प्रदूषित करते.
३. सप्टेंबर २०१६ मध्ये राष्ट्रीय हरित लवादाने कागदी लगद्याच्या मूर्ती या पर्यावरणास अनुकूल नसल्याचा निर्वाळा दिला होता.

संपादकीय भूमिका

चिकणमाती किंवा शाडूची माती यांव्यतिरिक्त अन्य वस्तूंपासून मूर्ती बनवणे, हे धर्मशास्त्रविरोधी आहे. त्यामुळे अशा हिंदु धर्मविरोधी उपक्रमांना सर्व गणेशभक्तांनी वैध मार्गाने विरोध करायला हवा !