पुणे – भाग्यनगरचा एक नेता औरंगजेबाच्या कबरीवर जाऊन अभिवादन करतो. ज्याने स्वत:च्या वडिलांना आणि भावाला ठार मारले, असंख्य नागरिकांना कंठस्नान घातले अशा औरंगजेबाचे उदात्तीकरण का ? असा प्रश्न राष्ट्रवादीचे खासदार अमोल कोल्हे यांनी उपस्थित केला आहे. एम्.आय.एम्.चे नेते अकबरूद्दीन ओवैसी यांनी संभाजीनगर दौऱ्यावर असतांना सभेआधी औरंगजेबाच्या कबरीला भेट दिली. औरंगजेबाच्या कबरीवर त्यांनी चादरही चढवली. या वेळी त्यांच्यासह खासदार इम्तियाज जलील, वारीस पठाण, तसेच मोठ्या संख्येने मुसलमान उपस्थित होते.
अकबरूद्दीन ओवैसी यांनी शेकडो कार्यकर्त्यांसह संभाजीनगर येथील विविध धार्मिक स्थळांना भेटी दिल्या. पाणचक्की, दौलताबाद, खुलताबाद येथील दर्ग्यांना, तसेच औरंगजेबाच्या कबरीला त्यांनी भेट दिली. त्यावरून अकबरूद्दीन ओवैसी यांच्यावर टीका होऊ लागली आहे.
संपादकीय भूमिकाछत्रपती संभाजी महाराजांचा अतोनात छळ करून त्यांची हत्या करणाऱ्या, भारतातील सहस्रो हिंदु मंदिरे पाडून तेथे मशिदी उभारणाऱ्या, भारतभरातील हिंदूंवर अत्याचार करणाऱ्या क्रूरकर्मा औरंगजेबाचे उदात्तीकरण करणे, हा एकप्रकारे राष्ट्रद्रोहच आहे. अशा औरंगजेबाच्या कबरीवर चादर चढवणे म्हणजे त्याच्या अमानुष कृतीचे समर्थन केल्यासारखेच आहे ! |
थोडक्यात महत्त्वाचे
२४ आणि २५ डिसेंबर या दिवशी श्री साई पालखी निवारा येथे होत असलेल्या मंदिर परिषदेची सिद्धता अंतिम टप्प्यात !
‘सेरेंडिपिटी कला महोत्सवा’त हिंदूंच्या मंदिरांची छायाचित्रे आणि माहिती प्रदर्शित
सिंधुदुर्ग जिल्ह्यात महाराष्ट्राचे मत्स्य व्यवसाय आणि बंदरे विकासमंत्री नितेश राणे यांचे भव्यदिव्य स्वागत
विकसित महाराष्ट्रातील लोकांना कामासाठी स्थलांतरित व्हावे लागणे गंभीर ! – न्यायमूर्ती नितीन बोरकर, उच्च न्यायालय, मुंबई
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी