‘कल्याण, जिल्हा ठाणे येथील थोर संत योगतज्ञ दादाजी वैशंपायन यांनी सप्टेंबर २०१६ मध्ये आध्यात्मिक उपाय म्हणून परात्पर गुरु डॉ. आठवले यांच्या खोलीत ठेवण्यासाठी फ्रेममध्ये (चौकटीमध्ये) श्री दत्तगुरूंचे चित्र दिले आहे. हे चित्र परात्पर गुरु डॉ. आठवले यांच्या खोलीत लावल्यानंतर १८ मासांनी (महिन्यांनी) ४.३.२०१८ या दिवशी त्या चित्राच्या चौकटीच्या मागील (पाठच्या) बाजूला सर्व ठिकाणी पिवळसर पांढरी विभूती आपोआप निर्माण झाल्याचे आढळून आले. ती विभूती परात्पर गुरु डॉ. आठवले यांनी एका डब्यात काढून ठेवली होती. त्यानंतर ८ मार्च २०१८ या दिवशी त्या विभूतीमध्ये ॐ उमटलेला आढळून आला.
१. योगतज्ञ दादाजी वैशंपायन यांनी दिलेल्या श्री दत्तगुरूंच्या चित्राच्या फ्रेमच्या मागे पिवळसर पांढरी विभूती आपोआप निर्माण होण्यामागील कार्यकारणभाव
योगतज्ञ दादाजी वैशंपायन हे श्रीदत्तगुरूंचे अवतार होते. त्यांनी परात्पर गुरु डॉ. आठवले यांना दिलेल्या श्री दत्तगुरूंच्या चित्रामध्ये पुष्कळ प्रमाणात दत्ततत्त्व आहे. परात्पर गुरु डॉ. आठवले यांच्या भक्तीमुळे श्रीदत्तगुरूंच्या चित्रामध्ये त्यांचे तत्त्व कार्यरत झाल्यामुळे ४.३.२०१८ या दिवशी या चित्राच्या चौकटीच्या मागील (पाठच्या) बाजूला सर्व ठिकाणी पिवळसर पांढरी विभूती आपोआप निर्माण झाल्याचे आढळून आले. या विभूतीच्या माध्यमातून श्री दत्तगुरूंनी परात्पर गुरु डॉ. आठवले यांचे पाताळातील मोठ्या अनिष्ट शक्तींच्या सूक्ष्मातील आक्रमणांपासून रक्षण होण्यासाठी त्यांना कृपाशीर्वाद दिला. त्यामुळे वर्ष २०१६ ते २०१८ या कालावधीत परात्पर गुरु डॉ. आठवले यांच्या प्राणांचे रक्षण झाले.
२. विभूतीमध्ये ‘ॐ’ चे शुभचिन्ह उमटण्यामागील कार्यकारणभाव
जेव्हा परात्पर गुरु डॉ. आठवले यांनी या चित्रामध्ये आपोआप निर्माण झालेली विभूती एका डबीत काढून ठेवली, तेव्हा विभूतीमध्ये कार्यरत झालेल्या दिव्य शक्तीचे रूपांतर धर्मशक्तीमध्ये होऊन त्या विभूतीमध्ये धर्मशक्तीचे प्रतीक असणारे ‘ॐ’ हे शुभ चिन्ह निर्माण झाले. या शुभचिन्हातून पृथ्वीभोवतीच्या वायूमंडलात चैतन्यदायी धर्मशक्तीचे प्रक्षेपण होऊन वायुमंडलाची शुद्धी झाली. त्यामुळे अनेक ठिकाणचे हिंदू जागृत झाले आणि ते धर्माचरण अन् साधना करण्यास उद्युक्त झाले.
कृतज्ञता
योगतज्ञ दादाजी यांच्या माध्यमातून श्री दत्तगुरूंनीच परात्पर गुरु डॉ. आठवले यांना हिंदु राष्ट्राची स्थापना करण्यासाठी शुभाशीर्वाद दिले यासाठी योगतज्ञ दादाजींच्या चरणी कोटी कोटी नमन!’
– कु. मधुरा भोसले (सूक्ष्मातून मिळालेले ज्ञान) (आध्यात्मिक पातळी ६३ टक्के), सनातन आश्रम, रामनाथी, (१४.५.२०२२)
|
कृतघ्नपणाची ही परिसीमाच !
सच्चिदानंद परब्रह्म डॉ. आठवले यांच्यावर दृढ श्रद्धा ठेवून स्वतःच्या तिन्ही मुलांना पूर्णवेळ साधना करण्यासाठी प्रोत्साहन देणार्या आणि स्वतःही पूर्णवेळ साधना करणार्या श्रीमती संध्या बधाले (वय ५० वर्षे) !
श्रीसत्शक्ति (सौ.) बिंदा नीलेश सिंगबाळ यांच्या प्रती दृढ श्रद्धा ठेवून व्यष्टी साधनेचे प्रयत्न भावपूर्णरित्या करून अल्पावधीतच ६१ टक्के आध्यात्मिक पातळी गाठलेल्या रामनाथी (गोवा) येथील सनातनच्या आश्रमातील सौ. राधा घनश्याम गावडे (वय ५० वर्षे) !
साधकांनो, ‘व्यष्टी साधनेचे प्रयत्न चांगले केल्यास समष्टी साधनाही चांगली होते’, हे लक्षात घेऊन व्यष्टी साधनेचे प्रयत्न वाढवा !
अनेक जन्मांचे पुण्यफळा आले । अनसूयेच्या कुशीत त्रिदेव निजले ।
घरात चोरी होऊनही गुरूंवरील दृढ श्रद्धेमुळे त्या प्रसंगाला शांतपणे सामोरे जाणारे जळगाव येथील ६१ टक्के आध्यात्मिक पातळीचे श्री. भिकन मराठे (वय ४५ वर्षे)!