शाहीनबाग (देहली) येथे अनधिकृत बांधकामांवरील कारवाईला स्थानिकांचा विरोध

नवी देहली – येथील शाहीन बागमधील अतिक्रमण हटवण्यासाठी गेलेल्या पथकाला स्थानिक नागरिकांनी विरोध केल्याने माघारी जावे लागले. या वेळी येथे मोठा तणाव निर्माण झाला होता. या संदर्भात सर्वोच्च न्यायालयात याचिका प्रविष्ट करण्यात आली होती. त्यावर न्यायालयाने याचिकाकर्त्याला उच्च न्यायालयात जाण्यास सांगितले. ‘या कारवाईतून केवळ मुसलमानांना लक्ष्य केले जात आहे’, असा आरोप या वेळी स्थानिकांकडून करण्यात आला.