इस्रायलमध्ये आतंकवादी आक्रमणात ३ जण ठार

इलाद (इस्रायल) – येथे इस्रायलच्या स्वातंत्र्यदिनी आतंकवादी आक्रमणामध्ये ३ जणांची चाकूद्वारे हत्या करण्यात आली. तसेच यात ४ जण घायाळ झाले. या वेळी आतंकवाद्यांवर करण्यात आलेल्या गोळीबारात एक जण ठार झाला.

पॅलेस्टिनी आतंकवादी संघटना ‘हमास’ने या आक्रमणाचे कौतुक केले आहे; मात्र तिने याचे दायित्व घेण्यास नकार दिला. ‘अल-अक्सा मशिदीवरील आक्रमण करणार्‍यांना मोकळे सोडता येणार नाही’, असे हमासच्या प्रवक्त्याने सांगितले. काही दिवसांपूर्वी अल-अक्सा मशिदीमध्ये नमाजपठण करतांना इस्रायली पोलीस आणि पॅलेस्टिनी यांच्यात हाणामारी झाली होती.