सनातन प्रभात > Post Type > बातम्या > राष्ट्रीय बातम्या > दलित तरुणीवर सामूहिक बलात्कार प्रकरणी ८ जणांना अटक : सत्ताधारी द्रमुकचे दोघा कार्यकर्त्यांचा समावेश

दलित तरुणीवर सामूहिक बलात्कार प्रकरणी ८ जणांना अटक : सत्ताधारी द्रमुकचे दोघा कार्यकर्त्यांचा समावेश

बलात्कार्‍यांचा भरणा असलेला पक्ष लोकांना कधी कायद्याचे राज्य देईल का ? – संपादक

चेन्नई – तमिळनाडूच्या विरुधुनगर जिल्ह्यात एका २२ वर्षांच्या दलित तरुणीवर सामूहिक बलात्कार केल्याची घटना समोर आली आहे. पीडित तरुणीने केलेल्या तक्रारीवरून पोलिसांनी ८ जणांना अटक केली आहे. पोलिसांनी अटक केलेल्या आरोपींमध्ये दोन सत्ताधारी द्रमुक पक्षाचे कार्यकर्ते आहेत.

पोलिसांनी दिलेल्या माहितीनुसार आरोपींमध्ये हरिहरन, जुनेद अहमद, प्रवीण, मदासामी यांचा समावेश आहे, तर इतर चौघे आरोपी अल्पवयीन आहेत. पोलिसांनी सांगितले की, आरोपींनी पीडित तरुणीवर अनेकदा बलात्कार केला. त्याचा व्हिडिओ बनवला, तसेच विरोध केल्यास व्हिडिओ सामाजिक प्रसारमाध्यमांवर प्रसारित करण्याची धमकी दिली.

तमिळनाडूतील भाजपचे प्रमुख अन्नमलाई यांनी या लज्जास्पद कृत्यात स्थानिक द्रमुक कार्यकर्त्यांचा समावेश धक्कादायक आहे, असे म्हटले आहे.

नूतन लेख