कोलार (कर्नाटक) येथील ‘क्लॉक टॉवर’वर गेल्या ७५ वर्षांपासून फडकत असलेला इस्लामी ध्वज काढून राष्ट्रध्वज फडकवला !

कोलार (कर्नाटक) – जिल्ह्यातील ‘क्लॉक टॉवर’वर गेली ७५ वर्षे फडकत असलेला इस्लामी ध्वज काढून त्याऐवजी राष्ट्रध्वज फडकवला गेला. यासह या ‘टॉवर’ला दिलेला हिरवा रंग पुसून पांढरा रंग देण्यात आला आहे. १९ मार्च या दिवशी जिल्हा प्रशासनाने ही कारवाई केली. या प्रसंगी घटनास्थळी पोलिसांचा प्रचंड बंदोबस्त होता. शीघ्र कृती दलाची एक तुकडीही तैनात करण्यात आली होती.

Karnataka: Amidst tight security, tricolour hoisted on iconic Kolar clock tower after removing Islamic flags https://t.co/9o7v3c8436

— OpIndia.com (@OpIndia_com) March 20, 2022

१. काही दिवसांपूर्वी भाजपचे खासदार मुनीस्वामी एस्. यांनी ‘क्लॉक टॉवर’वरील इस्लामी ध्वज काढून तेथे राष्ट्रध्वज फडकावला जाईल’, असे आश्‍वासन दिले होते. वरील कारवाई झाल्यावर मुनीस्वामी यांनी ट्वीट करून म्हटले की, ७४ वर्षांच्या प्रतीक्षेनंतर ‘विशेष समुदाया’चा ध्वज काढून तेथे राष्ट्रध्वज फडकवण्यात आला.

२. वर्ष १९३० मध्ये मुस्तफा नावाच्या एका व्यापार्‍याने हे ‘टॉवर’ उभारले होते.