मैसुरू येथील वर्ष २०१६ मधील बाँबस्फोटाच्या प्रकरणी अल् कायदाचे तिघे आतंकवादी दोषी

बेंगळुरू (कर्नाटक) – कर्नाटक राज्यातील मैैसुरूमधील चामराजपूरम्च्या न्यायालय परिसरातील शौचालयात १ ऑगस्ट २०१६ या दिवशी झालेल्या बाँबस्फोटाच्या प्रकरणी न्यायालयाने ‘अल् कायदा’ या जिहादी आतंकवादी संघटनेशी संबंधित ३ आतंकवाद्यांना दोषी ठरवले आहे. नैनार अब्बास अली उपाख्य लायब्रेरी अब्बास, एम्. सॅमसन करीम राजा उपाख्य अब्दुल करीम आणि दाऊद सुलेमान अशी त्यांची नावे असून ते सर्व जण तमिळनाडूतील मदुराई येथे रहाणारे आहेत. या सर्वांना ११ ऑक्टोबर या दिवशी शिक्षा सुनावली जाणार आहे.

2016 Mysuru court blast case: NIA convicts 3 al-Qaeda inspired terrorists https://t.co/CWgQdCSU5y

— Hindustan Times (@HindustanTimes) October 8, 2021