पाकिस्तानने पाकव्याप्त काश्मीरमध्ये निवडणूक घेतली !

इस्लामाबाद – भारताचा विरोध डावलून पाकिस्तानने पाकव्याप्त काश्मीरमध्ये २५ जुलै या दिवशी विधानसभेची निवडणूक घेतली. पाकव्याप्त काश्मीरमध्ये विधानसभेच्या एकूण ५३ जागांसाठी तब्बल ७०० उमेदवार रिंगणात होते. ५३ जागांपैकी ४५ जागांसाठी ही निवडणूक घेण्यात आली. उर्वरित ५ जागा महिलांसाठी, तर ३ जागा वैज्ञानिकांसाठी राखीव आहेत. या निवडणुकीत ३२ लाख मतदार मतदानाचा अधिकार बजावू शकतात, असे पाकने म्हटले आहे.

पाकिस्तान के कब्जे वाले कश्मीर में चुनाव के दौरान जमकर हिंसा , दो लोगों की मौत, पांच पुलिसर्मियों की पिटाई , भारत ने किया था विरोध ।#Exclusive #NewsUpdate pic.twitter.com/ZBtuhir8cT

— Exclusive Samachar (@ExclusiveSamac1) July 25, 2021

१. मागील वर्षी पाककडून गिलगिट आणि बाल्तिस्तान येथे घेण्यात आलेल्या निवडणुकीला भारताने विरोध दर्शवत ‘सैन्याच्या अधिपत्याखाली असलेल्या क्षेत्राची स्थिती पालटणे, हा कायदेशीर अधिकार नाही’, असे म्हटले होते.

२. या निवडणुकीत पाकमधील सत्ताधारी ‘पाकिस्तान तहरीक-ए-इंसाफ’ या पक्षासह ‘पाकिस्तान मुस्लिम लीग-नवाज’ आणि ‘पाकिस्तान पीपल्स पार्टी’ यांच्यात मुख्य लढत असेल. पाकने नुकत्याच बंदी घातलेल्या ‘तहरीक-ए-लबैक पाकिस्तान’ या कट्टर जिहादी संघटनेकडूनही ४० जागांवर ही निवडणूक लढवली जाणार आहे. पाकव्याप्त काश्मीरमध्ये यापूर्वी वर्ष २०१६ मध्ये निवडणूक झाली होती. त्यात तेव्हाच्या सत्ताधारी असलेल्या ‘पाकिस्तान मुस्लिम लीग-नवाज’ पक्षाचा विजय झाला होता.