नागपूर येथे तरुणीशी अश्‍लील वर्तन केल्याप्रकरणी वैज्ञानिकावर गुन्हा नोंद !

अनैतिक कृत्य केल्याप्रकरणी वैज्ञानिक यादव याच्यावर बडतर्फीची कारवाई केली पाहिजे !

नागपूर – येथील एका केंद्रीय संशोधन संस्थेत कार्यरत असणार्‍या २८ वर्षीय तरुणीशी अश्‍लील वर्तन केल्याप्रकरणी दिनेशकुमार यादव (वय ३० वर्षे, रा. भोपाळ) या वैज्ञानिकाविरुद्ध पोलिसांनी विनयभंगाचा गुन्हा नोंद केला आहे. ही तरुणी मूळची बारामती येथील रहिवासी असून ती केंद्रीय संशोधन संस्थेत प्रयोगशाळा साहाय्यक तंत्रज्ञ आहे. काही दिवसांपूर्वी यादव प्रशिक्षणासाठी येथे आला होता. ५ जून या दिवशी दिनेश याचा वाढदिवस असल्याने त्याने तरुणी आणि अन्य सहकारी यांना एका उपाहारगृहात मेजवानी दिली होती. मेजवानी आटोपून तरुणीच्या दुचाकीवरून परततांना त्याने हे कृत्य केले. दिनेशकुमार याला न्यायालयाने तात्पुरता अटकपूर्व जामीन संमत केला आहे.