२७ मेपासून सांगली जिल्ह्यातील छोट्या मोठ्या सर्व व्यापारी वर्गाला सकाळी १० ते सायंकाळी ५ पर्यंत दुकाने उघडण्यास अनुमती द्या ! – सुधीर गाडगीळ, आमदार, भाजप

सांगली – महापूर आणि यानंतर सलग २ वर्ष कोरोनाच्या आपत्तीचा तडाखा यांमुळे व्यापारी आर्थिकदृष्ट्या खचले आहेत. त्यामुळे २७ मेपासून सांगली जिल्ह्यातील छोट्या-मोठ्या सर्व व्यापारी वर्गाला सकाळी १० ते सायंकाळी ५ पर्यंत दुकाने उघडण्यास अनुमती द्यावी, अशा मागणीचे निवेदन भाजप आमदार सुधीर गाडगीळ यांनी जिल्हाधिकारी डॉ. अभिजित चौधरी यांना दिले.

या वेळी नगरसेवक विनायक सिंहासने, ‘कॅट’चे उपाध्यक्ष श्री. अतुल शहा, किराणा माल महासंघाचे अध्यक्ष अरुण दांडेकर, चेतन दडगे, प्रसाद गवळी, सुभाष सारडा यांसह अन्य उपस्थित होते.