चीनच्या वुहानमधील प्रयोगशाळेमध्ये कोरोनापेक्षाही धोकादायक विषाणू

तांदूळ आणि कापूस यांच्या जेनेटिक डाटाच्या आधारे वैज्ञानिकांचा दावा

नवी देहली – संशोधकांच्या एका पथकाने दावा केला आहे की, चीनच्या वुहान शहरामध्ये अनेक प्रकारचे आणि अधिक धोकादायक विषाणू अजूनही अस्तित्वात आहेत. वुहान आणि चीनच्या इतर शहरांतील कृषी प्रयोगशाळांमधील तांदूळ आणि कापूस यांच्या जेनेटिक डाटाच्या आधारे वैज्ञानिकांनी हा दावा केला आहे. हा सर्व जेनेटिक डेटा वुहान इन्स्टिट्यूट ऑफ व्हायरॉलॉजी या प्रयोगशाळेतून घेतला होता. या प्रयोगशाळेतूनच कोरोना जगभरात पसरला अशी शंका अजूनही व्यक्त केली जाते.