सनातन प्रभात > Post Type > बातम्या > राष्ट्रीय बातम्या > सरकारपेक्षा वेगळे मत व्यक्त करणे म्हणजे देशद्रोह नाही ! – सर्वोच्च न्यायालय

सरकारपेक्षा वेगळे मत व्यक्त करणे म्हणजे देशद्रोह नाही ! – सर्वोच्च न्यायालय

फारूख अब्दुल्ला यांच्या विरोधात याचिका करणार्‍याला ५० सहस्र रुपयांचा दंड !

नवी देहली – सरकारच्या मतांपेक्षा वेगळे मत व्यक्त करणे याला देशद्रोह म्हटले जाऊ शकत नाही, असे म्हणत सर्वोच्च न्यायालयाने जम्मू-काश्मीरचे खासदार फारूख अब्दुल्ला यांच्या विरोधातील देशद्रोहाची याचिका फेटाळून लावली. तसेच याचिकाकर्त्याला ५० सहस्र रुपयांचा दंडदेखील ठोठावला.

जम्मू-काश्मीरला विशेष राज्याचा दर्जा देणारे ३७० कलम ऑगस्ट २०१९ मध्ये रहित करण्यात आल्यानंतर फारूख अब्दुल्ला यांनी भारताच्या विरोधात पाकिस्तान आणि चीन यांच्याकडून साहाय्य घेतल्याचा आरोप या याचिकेतून करण्यात आला होता; मात्र आरोप सिद्ध करणारा कोणताही पुरावा याचिकाकर्ता सादर करू शकला नाही.

नूतन लेख