देवा, तू काय काढलेस जीवनदर्शन ।

गुरुकृपायोगाची निर्मिती करणारे परात्पर गुरु डॉ. आठवले !

मी सकाळी नामजपाला बसले. हळूहळू मला आध्यात्मिक त्रास होऊ लागला. तेव्हा मनात विचार आला, ‘परात्पर गुरु डॉ. आठवले यांचे छायाचित्रमय जीवनदर्शन’ हा ग्रंथ हातात घेऊन चालत नामजप करूया; परंतु माझी तो ग्रंथ हातात घ्यायची इच्छाच होईना. त्याविषयी चार ओळी सुचल्या, त्या गुरुदेव तुमच्या चरणी अर्पण करते.

(साधिकेला आध्यात्मिक त्रास असल्याने तिला हा चैतन्यमय ग्रंथ हातात घेतल्याने त्रास जाणवतो. या वेळी तिला जाणवलेली सूत्रे तिने काव्यात मांडली आहेत. – संकलक)

देवा, तू काय काढलेस जीवनदर्शन ।
पहाताच त्रास होई आमच्या मना ।
काय वर्णू दर्शनाची आभा । होई त्रास आम्हा ॥ १ ॥

नाथा, तुझे किती गुण वर्णावे तेवढे थोडेच ।
अजुनी कळेना साधका ।
तुझी कीर्ती ओळखली आम्ही ।
देवा, तू काय काढलेस जीवनदर्शन ।
पहाताच होई त्रास आम्हा ॥ २ ॥

स्वभावदोषातूनी पडेना बाहेर ।
कर्तेपणा असे अजुनी, असे अंगी मीपणा ।
नाथा, तुझ्या चैतन्याने भरले जीवनदर्शन ।
पहाताच होई त्रास आम्हा ॥ ३ ॥

मिळे चैतन्य त्यातून, त्याचे कळेना महत्त्व कुणा ।
आम्हास घेऊनी बसावे वाटते ।
पण भिऊनी थरथरे अंग अन् कंप होई मना ।
देवा, तू काय काढलेस जीवनदर्शन ।
पहाताच होई त्रास आम्हा ॥ ४ ॥

होई निर्मूलन वाईट शक्तींचे ।
येईल ध्वज श्रीरामाचा ।
वैकुंठ राज्य स्थापेल भूवरी ।
कीर्ती तुझी पसरेल भूवरी ॥ ५ ॥

देवा, तुला शरण येऊनी आम्ही ।
तुझा आशीर्वाद घेऊनी जातो ।
धन्य धन्य ती जीवनगाथा ।
त्रिवार माझा नमस्कार नाथा ॥ ६ ॥

– सौ. मंगल परशुराम खटावकर, मिरज (२२.८.२०१८)