सिंधुदुर्गात २२ नवीन कोरोनाबाधित रुग्ण आढळले

सिंधुदुर्ग – गेल्या २४ घंट्यांत जिल्ह्यात केवळ २२ नवीन कोरोनाबाधित रुग्ण आढळले. त्यामुळे कोरोनाबाधितांची आतापर्यंतची एकूण संख्या ५ सहस्र १९२ झाली आहे. जिल्ह्यातील कोरोनामुक्त रुग्णांची आतापर्यंतची एकूण संख्या ४ सहस्र ८५० आहे. जिल्ह्यात सध्या १९६ रुग्णांवर उपचार चालू आहेत. जिल्ह्यात आतापर्यंत कोरोनामुळे मृत्यू झालेल्यांची एकूण संख्या १४० झाली आहे, अशी माहिती जिल्हा शल्यचिकित्सक डॉ. श्रीमंत चव्हाण यांनी दिली.