बाबर, अकबर, हुमायून आदी आक्रमकांचे संग्रहालय बांधून त्याद्वारे त्यांची क्रूरता दाखवा ! : Sangeet Singh Som

मेरठ (उत्तरप्रदेश) – बाबर, अकबर, हुमायून आदी आक्रमकांचे संग्रहालय बांधून त्याद्वारे त्यांची क्रूरता दाखवा, अशी मागणी सरधना येथील भाजपचे माजी आमदार ठाकूर संगीत सोम यांनी पत्रकारांशी बोलतांना केली. सोम पुढे म्हणाले की, आक्रमकांनी मंदिरांचा केलेला विध्वंस आणि सनातनी लोकांवर केलेले अत्याचार नवीन पिढीला ठाऊक असायला हवेत. लोकांनी प्रतिदिन या संग्रहालयात जाऊन आक्रमकांच्या पुतळ्यावर थुंकावे आणि त्यांना जोड्याने मारावे. यामुळे देशातील लोकांना त्यांच्या मनात शतकानुशतके साचलेला सूड बाहेर काढण्याची संधी मिळेल.

धर्मांतर आणि खरे मुसलमान यावर भाष्य

भारतीय मुसलमानांविषयी बोलतांना सोम म्हणाले की, देशातील खरे मसलमान आमच्यावर प्रचंड प्रेम करतात; पण जे मुसलमान पाकिस्तानवर प्रेम करतात, ते आमच्यावर प्रेम कसे करतील ? जे इतरांचे बलपूर्वक धर्मांतर करतात, त्यांना फाशी दिली पाहिजे; कारण हाच खरा जिहाद आहे.