व्याजाला ‘हराम’ संबोधून ३ सहस्र कोटी हडपणार्‍या नौहेरा शेख हिला अटक !

गुरुग्राम (हरियाणा) – अंमलबजावणी संचालनालय (ईडी) आणि हरियाणा पोलीस यांनी एका संयुक्त मोहिमेत ‘हीरा ग्रुप ऑफ कंपनीज’ची संस्थापक नौहेरा शेख हिला येथून नुकतीच अटक केली. शरीयत कायद्याच्या नावाखाली देशभरातील लाखो लोकांना फसवून ३ सहस्र कोटी रुपयांचा महाघोटाळा करणारी नौहेरा गेल्या एका महिन्यापासून पसार होती.

Gurugram (Haryana) – Heera group chief Nowhera Shaikh, who embezzled ₹3,000 crores by calling interest 'Haram', arrested by ED

This is an example showing that Muslim women are also at the forefront of crime.#CrimeNews pic.twitter.com/yHeRHzSyQJ

— Sanatan Prabhat (@SanatanPrabhat) May 26, 2026

१. शरीयत कायद्यानुसार व्याजाची कमाई करणे किंवा देणे पूर्णपणे ‘हराम’ मानले जाते. या धार्मिक श्रद्धेमुळे अनेक मुसलमान बँकांमध्ये पैसे जमा करणे टाळतात. नौहेरा हिने याचाच अपलाभ उठवला आणि अत्यंत चलाखीने पैसे गुंतवण्याची एक योजना सिद्ध केली. तिने ‘हीरा ग्रुप’ नावाने आस्थापन स्थापन केले आणि विशेषतः मुसलमानांना लक्ष्य केले.

२. या महाघोटाळ्यात अनुमाने १ लाख ७२ सहस्रांहून अधिक गुंतवणूकदारांचे ३ सहस्र कोटी रुपये बुडाले.

३. सर्वोच्च न्यायालयाने अंतरिम जामीन फेटाळल्यानंतर आणि पोलिसांकडे स्वत:हून स्वाधीन होण्याचे आदेश दिल्यानंतर नौहेरा महिन्याभरापासून पसार होती.

४. सर्वोच्च न्यायालयाच्या कठोर भूमिकेनंतर ‘ईडी’ने आतापर्यंत नौहेरा आणि तिचे  नातेवाईक यांच्या ४०० कोटी रुपयांच्या मालमत्ता जप्त केल्या आहेत.