Saniur Rahman Bangladeshi Infiltrator : हिंदु बनून महंमद पैगंबर यांच्याविषयी आक्षेपार्ह विधान करणारा निघाला बांगलादेशी घुसखोर !

ऋषिकेश (उत्तराखंड) – कपाळावर टिळा लावून आणि स्वतःचे सत्यनिष्ठ आर्य असे हिंदु नाव सांगून मदर मेरी आणि महंमद पैगंबर यांच्याविषयी आक्षेपार्ह विधान करणारी व्यक्ती बांगलादेशी घुसखोर असल्याचे पोलीस अन्वेषणात निष्पन्न झाले. सनीउर रहमान असे त्याचे नाव असून पोलिसांनी त्याला अटक केली आहे. ‘द लल्लनटॉप’ या संकेतस्थळावर याविषयीचे वृत्त प्रसिद्ध झाले आहे.

या वृत्तानुसार वर्ष २०२५ मधील नाताळच्या निमित्ताने रहमान याने चर्चच्या पाद्रयाशी गैरवर्तन केले होते. रहमान हा बांगलादेशातील बैसडी मधुखाली फरीदपूरचा रहिवासी असून तो वर्ष २०१६ पासून ऋषिकेशमध्ये सत्यनिष्ठ आर्य हे खोटे नाव धारण करून रहात असल्याचे उघड झाले आहे. १८ एप्रिलला ऋषिकेश पोलिसांनी ‘ऑपरेशन प्रहार’ अंतर्गत पडताळणी मोहीम राबवली. या वेळी पोलिसांना रहमानचा संशय आल्यावर त्यांनी त्याची चौकशी केली असता सत्य समोर आले.

Bangladeshi infiltrator exposed for posing as a Hindu and making objectionable remarks about Prophet Muhammad.

For 11 years, Saniur Rahman lived in Uttarakhand under the fake name “Satyanishtha Arya” and even attended programmes of Hindutva-aligned organisations.

After the… pic.twitter.com/mVrjZ9RnbW

— Sanatan Prabhat (@SanatanPrabhat) April 28, 2026

चौकशीत असे समजले की,

सनीउर रहमान हा अटकेच्या एक दिवस आधीच लक्ष्मण झुला परिसरात आला होता. त्यापूर्वी तो देहली, गाझियाबाद आणि बंगाल यांसह अनेक ठिकाणी राहिला होता. त्याने नेपाळमार्गे भारतात घुसखोरी केली होती. त्याच्याकडे बांगलादेशी पारपत्र सापडले असून त्याची वैधता वर्ष २०१८ मध्येच संपली आहे. तो लोकांकडून देणगीही गोळा करत होता. तो सामाजिक माध्यमांवर सक्रीय होता. सत्यनिष्ठ आर्य या नावाने तो व्हिडिओ पोस्ट करायचा. ते व्हिडिओ मोठ्या प्रमाणात पाहिले जायचे. त्यानंतर तो हिंदुत्वनिष्ठ संघटनांच्या कार्यक्रमांमध्ये सहभागी होऊन मुसलमान आणि ख्रिस्ती धर्माविषयी आक्षेपार्ह टिप्पणी करत असे. गेल्या वर्षी ख्रिसमसच्या वेळी त्याने गाझियाबादमधील एका चर्चमध्ये घुसून तेथील एका पाद्रयाशी गैरवर्तन केल्याचा व्हिडिओ समोर आला होता. पोलीस आणि इतर अन्वेषण यंत्रणा रहमानविषयी अधिक माहिती गोळा करत आहेत.