डेन्मार्क सरकार रस्त्यावर नमाजपठण आणि अजान यांवर बंदी घालण्याच्या विचारात !

कोपनहेगन (डेन्मार्क) – युरोपीय देश डेन्मार्क लवकरच रस्त्यांवर नमाजपठण करण्यावर आणि अजान (मुसलमानांना मोठ्या आवाजात नमाजासाठी आमंत्रित करणे)  यांवर बंदी घालण्याचा विचार करत आहे.

डेन्मार्कचे मंत्री मॉर्टन बोडस्कोव्ह यांनी सांगितले, ‘रस्त्यांवर नमाजपठण करणे आणि अजान यांवर बंदी लागू केली जाऊ शकते का ?’, याविषयी अधिकारी कायदेशीर पडताळणी करण्यास पुन्हा प्रारंभ करतील. कोपनहेगनसह काही भागांत ध्वनीप्रदूषणाशी संबंधित कडक नियमांमुळे उघड्यावर नमाजपठण करण्यावर आधीपासूनच बंदी आहे; परंतु आता डेन्मार्क सरकार आणखी कडक बंदीचा विचार करत आहे. डेन्मार्कमध्ये मशिदींमधून दिवसातून ५ वेळा दिल्या जाणार्‍या अजानला थारा नाही. डेन्मार्कच्या छतांवरून अजानचा आवाज ऐकू यायला नको. डेन्मार्कमध्ये याला कोणतीही जागा नाही आणि जेव्हा तुम्ही डेन्मार्कमध्ये फिराल, तेव्हा तुम्हाला अशी शंका यायला नको की, तुम्ही इस्लामाबादमधील (पाकिस्तानची राजधानी) एखाद्या परिसरात आला आहात.’

डेन्मार्कमध्ये यापूर्वी वर्ष २०२० आणि वर्ष २०२५ मध्येही यावर चर्चा झाली होती; परंतु देशभरात बंदी लागू होऊ शकली नव्हती.