(म्हणे) ‘वारकरी संप्रदाय सनातन धर्मापासून वेगळा !’ – Vikas Lavande NCP

मुंबई – ‘वारकरी संप्रदाय सनातन धर्मापासून वेगळा आहे’, असे बरळत राष्ट्रवादी काँग्रेस शरदचंद्र पवार गटाचे प्रवक्ते विकास लवांडे यांनी वारकरी संप्रदायामध्ये सनातन धर्माचे कार्य करणार्‍या वारकर्‍यांना धर्मांध ठरवण्याचा प्रयत्न केला आहे. विकास लवांडे यांनी अशा २० जणांची नावे घोषित केली आहेत. या सूचीत श्रीराम जन्मभूमी तीर्थक्षेत्र ट्रस्टचे कोषाध्यक्ष प.पू. स्वामी गोविंद देवगिरी महाराज, वारकरी संप्रदायाचे भीष्माचार्य समजले जाणारे बंडातात्या कराडकर, राष्ट्रीय कीर्तनकार चारूदत्त आफळे, ज्येष्ठ कीर्तनकार ह.भ.प. प्रकाश महाराज जवंजाळ आदी धर्मधुरिणांचा समावेश आहे.

Warkari Sect is separate from Sanatan Dharma : Vikas Lawande, NCP Sharad Pawar faction

Names of 20 'regressive maharajs' of the Warkari sect announced

It is to be noted:
👉 'Bhagavad Gita' is the primary religious scripture of Sanatan i.e. Hindu Dharma. Based on it, Saint… https://t.co/db3V4OY8nz pic.twitter.com/0Ey2OYV4Yl

— Sanatan Prabhat (@SanatanPrabhat) April 18, 2026

राष्ट्रवादी काँग्रेस शरदचंद्र पवार पक्षाचे राष्ट्रीय अध्यक्ष खासदर शरद पवार यांनी नुकतेच ‘वारकरी संप्रदायामध्ये ६० टक्के हिंदुत्वनिष्ठ शिरले आहेत. त्यामुळे वारकरी संप्रदायामध्ये धर्मांधपणा वाढत आहे’, असे वक्तव्य केले होते.

‘संत नामदेव महाराजांनी प्रथम भगव्या रंगाची पताका हातात घेतली आणि संत ज्ञानेश्वर महाराजांनी पहिला ग्रंथ दिला. सनातन धर्माचे अधिष्ठान आणि ग्रंथ वेगळे आहेत. वारकरी विचार कोणत्याही प्रकारचा भेदभाव मानत नाही. सध्या वारकरी संप्रदाय संपवण्यासाठी उत्तर भारतातून प्रदीप शर्मा, कालीचरण महाराज, धीरेंद्र शास्त्री आणि स्वामी आनंद स्वरूप यांसारखे लोक येत आहेत’, अशी आधारहीन टीका विकास लवांडे यांनी केली.

(म्हणे) ‘कीर्तनकार उघडपणे भाजपचा प्रचार करतांना दिसत आहेत !’ – लवांडे

या वेळी विकास लवांडे यांनी ‘भाजपच्या आध्यात्मिक आघाडीचे नेते तुषार भोसले यांनी निवडणुकीपूर्वी आंळदीत बैठक घेऊन कीर्तनकार-महाराज यांना भाजप, हिंदुत्व यांच्या आधारे प्रचार करण्यास सांगितले. यासाठी पैशांची पाकिटेही वाटण्यात आली. त्यामुळेच कीर्तनकार उघडपणे भाजपचा प्रचार करतांना दिसत आहेत’, असा आरोप केला.