जाल्लोह याला रमझानमध्ये करायचे होते आतंकवादी आक्रमण !

रिचमंड (अमेरिका) – अमेरिकेतील व्हर्जिनिया राज्यात असलेल्या नॉरफोक येथील ‘ओल्ड डोमिनियन’ विद्यापिठात १२ मार्च या दिवशी गोळीबाराची घटना घडली. यात १ जण ठार, तर २ जण घायाळ झाले होते. या घटनेत गोळीबार करणार्‍याचे नाव महंमद जाल्लोह असे असून तो ‘आर्मी नॅशनल गार्ड’चा माजी सैनिक होता. वर्ष २०१६ मध्ये इस्लामिक स्टेटला प्रत्यक्ष साहाय्य केल्याप्रकरणी जाल्लोहला दोषी ठरवून ९ वर्षांची शिक्षाही झाली होती. तथापि बाहेर आल्यानंतर त्याला रमझानच्या महिन्यात आतंकवादी आक्रमण करायचे होते. यामुळेच त्याने विद्यापिठात गोळीबार केला.

9 years in prison wasn't enough to change him.

Virginia, USA: Mohamed Jalloh, who previously served 9 years for aiding ISIS, planned a Ramadan attack.

The shooting left 1 dead and 2 injured.

While most criminals look for a fresh start, the jihadi ideology remains a constant… pic.twitter.com/kc1uamWggA

— Sanatan Prabhat (@SanatanPrabhat) March 14, 2026

या घटनेविषयी अमेरिकेची अन्वषेण यंत्रणा ‘एफ्.बी.आय.’चे (फेडरल ब्युरो ऑफ इन्व्हेस्टिगेशन’चे) विशेष अधिकारी डॉमिनिक इव्हान्स यांनी सांगितले की, जाल्लोह याने महाविद्यालयातील ‘रिझर्व्ह ऑफिसर्स ट्रेनिंग कॉर्प्स’च्या वर्गात बलपूर्वक प्रवेश केला. ‘अल्लाहू अकबर’ (अल्ला महान आहे) असा घोष देत त्याने गोळीबार चालू केला. यात प्रशिक्षक लेफ्टनंट कर्नल ब्रँडन शाह यांचा मृत्यू झाला, तर २ जण घायाळ झाले. या वेळी तेथे उपस्थित विद्यार्थ्यांनी त्याला रोखून ठार मारले. इव्हान्स यांनी यास ‘आतंकवादी कृत्य’ असे संबोधले आहे.