सनातन प्रभात > Post Type > बातम्या > राष्ट्रीय बातम्या > Nasir Akhtar Comedy Show : बेंगळुरू येथे हिंदुद्वेष्टा नासिफ अख्तर याचा विनोदी कार्यक्रम रहित !

Nasir Akhtar Comedy Show : बेंगळुरू येथे हिंदुद्वेष्टा नासिफ अख्तर याचा विनोदी कार्यक्रम रहित !

  • हिंदुत्वनिष्ठांच्या संघटित विरोधाचा परिणाम !

  • भारत, हिंदु धर्म, प्रभु श्रीरामचंद्र आणि हिंदु राष्ट्र यांविषयी अश्लाघ्य विनोद केल्याचा इतिहास
कोरमंगला पोलीस ठाण्यात निवेदन देतांना हिंदु जनजागृती समितीचे श्री. मोहन गौडा (मध्यभागी) आणि हिंदुत्वनिष्ठ संघटनांचे कार्यकर्ते

बेंगळुरू (कर्नाटक) – ८ मार्चला बेंगळुरूच्या कोरमंगला येथील ‘मिनिस्ट्री ऑफ कॉमेडी’ या सभागृहात नासिफ अख्तर याच्या ‘कॉमेडी शो’चा (विनोदी कार्यक्रम) होणार होता. त्याने याआधी केलेल्या कार्यक्रमांमध्ये भारत, हिंदु धर्म, प्रभु श्रीरामचंद्र आणि हिंदु राष्ट्र यांविषयी अवमानकारक विनोद केले आहेत. हे स्थानिक हिंदुत्वनिष्ठांना लक्षात येताच त्यांनी या कार्यक्रमावर आक्षेप घेतला.

हिंदु जनजागृती समितीचे कर्नाटक राज्य प्रवक्ते श्री. मोहन गौडा यांनी पोलीस आयुक्तांना ई-मेलद्वारे विनंती अर्ज सादर केला. यात श्री. गौडा यांनी भारतीय न्याय संहितेच्या विविध कलमांन्वये हा कार्यक्रम रहित करण्याची मागणी केली.

हिंदु राष्ट्र समन्वय समितीच्या हिंदुत्वनिष्ठांनी कोरमंगला पोलीस ठाण्याला भेट देऊन या विषयावर तक्रारही दाखल केली. पोलिसांनी दबाव आणल्यानंतर नासिफ अख्तर याने एक व्हिडिओ प्रसारित करून हा ‘कॉमेडी शो’ रहित केल्याची घोषणा केली आहे.

संपादकीय भूमिका

  • बेंगळुरूतील हिंदुत्वनिष्ठांच्या सतर्कतेविषयी त्यांचे अभिनंदन ! अर्थात् अशा हिंदुद्वेष्ट्यांना भारतभरात कुठेच कार्यक्रम घेण्याची अनुमती मिळू नये, असा वचक हिंदूंनी निर्माण करणे आवश्यक !
  • कुणा हिंदूने मुसलमान अथवा इस्लाम यांविषयी अशा प्रकारे विनोद केले असते, तर एव्हाना त्याचा शिरच्छेद झाला असता अथवा किमान त्याच्या हत्येचे फतवे निघाले असते. हिंदू मात्र त्यांच्या श्रद्धास्थानांच्या अनादरावर मूग गिळून गप्प बसतात, हे लज्जास्पद !

नूतन लेख