सनातन प्रभात > Post Type > बातम्या > राष्ट्रीय बातम्या > Kanpur Conversion : केरळचा पाद्री एल्विन याने कानपूर येथे चालू केले अवैध चर्च !

Kanpur Conversion : केरळचा पाद्री एल्विन याने कानपूर येथे चालू केले अवैध चर्च !

  • गरीब हिंदूंच्या असाहाय्यतेचा अपलाभ उठवत, आमिषे दाखवून करत होता धर्मांतर

  • पोलिसांनी चौकशी करून केली अटक
केरळचा पाद्री एल्विन व त्याची पत्नी

कानपूर (उत्तरप्रदेश) : राज्याचे ‘औद्योगिक शहर’ म्हणून नावाजलेले कानपूर हिंदूंच्या धर्मांतराच्या कारवायांसाठी गेल्या काही वर्षांपासून कुप्रसिद्धही झाले आहे. जिल्ह्यातील घाटमपूर पोलिसांनी १३ जानेवारीला केरळचा रहिवासी असलेल्या एका पाद्र्याला अटक केली. एल्विन असे त्याचे नाव असून तो गरीब हिंदूंच्या असाहाय्यतेचा अपलाभ उठवत असे. तो गरीब हिंदूंना त्यांचे आजार बरे करण्याचे आश्वासन देऊन, तसेच बर्‍याच वेळा धमकावून त्यांचे धर्मांतर करत असे. घाटमपूरच्या नौरंगा गावात त्याने एक घर घेऊन त्याला बेकायदेशीररित्या ‘हाऊस चर्च’चे स्वरूप दिले होते. याच चर्चमध्ये हिंदूंचे धर्मांतर केले जात असे.

१३ जानेवारीला या ‘हाऊस चर्च’मध्ये प्रार्थनासभा भरवून हिंदूंना भुलवून त्यांचे धर्मांतर केले जात होते. याची माहिती बजरंग दलाच्या कार्यकर्त्यांना मिळताच ते घटनास्थळी पोचले. मुकेश कुमार नावाच्या धर्मप्रेमी हिंदूने या प्रकरणी पोलिसात तक्रार केली. त्यानंतर पोलिसांनी त्वरित गुन्हा नोंदवून पाद्र्याला रंगेहात पकडले.

संपादकीय भूमिका

  • ‘एल्विन’ शब्दाचा अर्थ आहे – चांगला मित्र. प्रत्यक्षात हे पाद्री धर्मांधतेतून हिंदूंचे शत्रू ठरले आहेत. अशांना आजन्म कारावासाची शिक्षाच होणे आवश्यक !
  • उत्तरप्रदेशात धर्मांतरविरोधी कायदा असतांनाही केरळचा एक पाद्री येथे येऊन चर्च स्थापन करतो आणि धर्मांतराचा धंदा चालवतो. अशा घटनांतून ख्रिस्त्यांच्या लेखी कायद्याचे मूल्य शून्यच आहे, हे लक्षात येते !

नूतन लेख