Dravidian Pongal : तमिळनाडूचे हिंदुद्वेषी मुख्यमंत्री स्टॅलिन यांच्याकडून ‘द्रविडी पोंगल’ साजरा करण्याचे आवाहन

(द्रमुक म्हणजे द्रविड मुन्नेत्र कळघम् – द्रविड प्रगती संघ)

चेन्नई (तमिळनाडू) – पोंगल तमिळी समाजाचा पारंपरिक पीक उत्सव आहे. तो कोणत्याही एका धर्माशी किंवा जातीशी मर्यादित नाही. पोंगल सामाजिक न्याय, समता आणि सामूहिक एकता यांचे प्रतीक आहे. त्यामुळे पक्ष कार्यकर्त्यांनी ‘द्रविड पोंगल’ साजरा करावा, असे आवाहन तमिळनाडूमध्ये मुख्यमंत्री आणि द्रमुकचे अध्यक्ष असलेले एम्.के. स्टॅलिन यांनी पक्ष कार्यकर्त्यांना केले आहे. त्यांनी सामुदायिक द्रविड पोंगल कार्यक्रम आयोजित करण्याचे आवाहन केले. त्याला भाजप आणि अण्णाद्रमुक पक्षांनी तीव्र विरोध दर्शवला आहे. विरोधी पक्षांचा आरोप आहे की, द्रमुक पोंगलमधून हिंदु धार्मिक घटक काढून टाकण्याचा प्रयत्न करत असून सणाची ओळख पालटू इच्छितो.

Tamil Nadu's Anti Hindu CM M. K. Stalin calls for ‘Dravidian Pongal’, claiming Pongal has no religious roots.

Opposed by BJP & AIADMK

What else can one expect from the DMK?

Sanatan Dharma and its festivals are eternal – beyond distortion or destruction. 🚩#Pongalcelebration… pic.twitter.com/CabwZ2qq12

— Sanatan Prabhat (@SanatanPrabhat) January 14, 2026

भाजपचे म्हणणे आहे की, द्रमुक पोंगलला हिंदु पंचांगापासून वेगळे करण्याचा प्रयत्न करत असून त्याला पूर्णतः ‘धर्मनिरपेक्ष’ स्वरूप देऊ पहात आहे

अण्णाद्रमुक पक्षाचे प्रवक्ते कोवाई सत्यन् यांनी म्हटले की, द्रमुक पक्ष सणांची नावे पालटून राजकारण करत आहे. पोंगलच्या ओळखीशी छेडछाड करणे म्हणजे लोकांच्या भावनांशी खेळणे होय. हे सर्व येणार्‍या निवडणुकांच्या पार्श्वभूमीवर केले जात आहे.

टीकेनंतर द्रमुकचे स्पष्टीकरण

टीकेनंतर द्रमुकने स्पष्टीकरण देतांना म्हटले की, द्रविडी पोंगलचा उल्लेख केवळ पक्ष कार्यकर्त्यांसाठी करण्यात आला होता. सामान्य जनतेच्या धार्मिक श्रद्धांमध्ये कोणताही हस्तक्षेप केला जात नाही. पोंगल तमिळी शेतकर्‍यांचा सण आहे. इतर राज्यांमध्ये याला ‘मकरसंक्रांती’ म्हटले जाते, जी वेगळी परंपरा आहे.

राज्य सरकारने पोंगलपूर्वी शिधापत्रिकाधारकांना ३ सहस्र रुपये रोख रक्कम आणि पोंगल साहित्याचे पाकीट देण्याची घोषणा केली आहे.