Shankhnad Mahotsav Delhi : पळणी (तमिळनाडू) येथील आराध्यदैवत श्री कार्तिकेय यांच्या चरणी देहली येथे होणार्‍या ‘सनातन राष्ट्र शंखनाद महोत्सवा’ची निमंत्रणपत्रिका अर्पण

महोत्सवासाठी श्रीचित्‌शक्ति (सौ.) अंजली गाडगीळ यांनी केली प्रार्थना

पळणी (तमिळनाडू) – सप्तर्षी जीवनाडीपट्टीमध्ये उल्लेख केल्याप्रमाणे श्रीचित्‌शक्ति (सौ.) अंजली गाडगीळ यांनी तमिळनाडूच्या दिंडुगल जिल्ह्यातील पळणी येथील श्री कार्तिकेय देवाचे दर्शन घेत त्यांच्या चरणी देहली येथे होणार्‍या ‘सनातन राष्ट्र शंखनाद महोत्सवा’ची निमंत्रण पत्रिका अर्पण केली, तसेच ‘सनातन राष्ट्र शंखनाद महोत्सवा’त येणार्‍या अडचणी दूर होण्यासाठी प्रार्थना केली.

Invitation for the ‘Sanatan Rashtra Shankhnaad Mahotsav’ placed at the divine feet of Shri Karthikeya in Palani, Tamil Nadu.

ShriChitshakti (Mrs.) Anjali Gadgil prayed for the success and divine blessings of this historic event.🙏🔥#Shankhnad_Mahotsav_Delhi
सनातन राष्ट्र pic.twitter.com/WR4nOrSEIW

— Sanatan Prabhat (@SanatanPrabhat) December 7, 2025

पळणी येथील एका डोंगरावर असलेल्या मंदिरात श्री कार्तिकेय देवाचे जागृत स्थान आहे. सनातन संस्थेचे संस्थापक सच्चिदानंद परब्रह्म डॉ. जयंत आठवले यांच्या एक आध्यात्मिक उत्तराधिकारी श्रीचित्‌शक्ति (सौ.) अंजली गाडगीळ यांनी श्री कार्तिकेय देवाचे राजालंकारात दर्शन घेऊन त्याच्या चरणी फळे आणि फुले अर्पण केली. त्यासह ‘सनातन राष्ट्र शंखनाद महोत्सवा’ची पूर्वसिद्धता आणि प्रत्यक्ष महोत्सव निर्विघ्नपणे पार पडण्यासाठी, तसेच लवकरात लवकर हिंदु राष्ट्राची स्थापना होण्यासाठी त्यांनी प्रार्थना केली.

कार्तिकस्वामी यांची राजालंकार पूजा

पळणी येथील कार्तिकेयाला प्रतिदिन सायंकाळी ६ वाजता ‘राजालंकार’ घालण्यात येतात. यात कार्तिकेयाला एक अंगरखा, कमरेला लाल रंगाच्या वस्त्राचा पट्टा आणि धोतर, तसेच डोक्यावर तुरा असणारा राजमुकूट असा पोषाख असतो.