Abu Dhabi India House : अबू धाबीमध्ये ‘इंडिया हाऊस’ उभारणीची सिद्धता !

अबू धाबी – संयुक्त अरब अमिरातीची (‘यूएई’ची) राजधानी अबू धाबी येथे ‘भारत-यूएई’ मैत्रीचे आणखी एक प्रतीक उभे रहाणार आहे. अनुमाने २० महिन्यांपूर्वी हिंदु मंदिर उभारल्यानंतर आता ‘इंडिया हाऊस’ उभारण्याचा प्रस्ताव निश्चित करण्यात आला आहे. हे केंद्र कला, संस्कृती, शिक्षण आणि युवकांची देवाणघेवाण यांद्वारे दोन्ही देशांतील संबंध अधिक दृढ करील, तसेच ‘यूएई’मध्ये योगाला ‘स्पर्धात्मक खेळ’ म्हणून मान्यता देण्याची प्रक्रिया चालू झाली आहे.

१. अबू धाबी येथे झालेल्या ‘भारत-यूएई सांस्कृतिक परिषदे’च्या दुसर्‍या संयुक्त संचालन समितीच्या बैठकीत हा निर्णय घेण्यात आला. दोन्ही देशांच्या प्रतिनिधींनी कला, पर्यटन, शिक्षण, युवा क्षेत्र आणि क्रीडा यांमधील सहकार्य वाढवण्याविषयी चर्चा केली.

२. दोन्ही देशांनी वर्ष २०२२ मधील करारानंतर सांस्कृतिक भागीदारी सातत्याने वाढवली आहे. ‘इंडिया हाऊस’ आणि योगाला ‘स्पर्धात्मक खेळ’ म्हणून प्रोत्साहन देण्याविषयी घेतलेला पुढाकार हे भारत-यूएई मैत्रीला नव्या उंचीवर नेणारे ठरणार आहे.